මෙවර ඉන්දීය ප්රිමියර් ලීග් ක්රිකට් තරගාවලියේ සියලු තරග ඉන්දියාවේ දී පැවැත්වෙන බව එරට ක්රිකට් පාලක මණ්ඩලයේ ලේකම් ජේ ශාහ් තහවුරු කර තිබෙනවා.
ඒ, ඉන්දීය මහ මැතිවරණය හේතුවෙන් තරගාවලිය එක්සත් අරාබි එමීර් රාජ්යයේ පැවැත්වීමට අවධානය යොමු කර ඇති බවට පල වන මාධ්ය වාර්තාවලට ප්රතිචාර දක්වමින්.
තරගාවලියේ කිසිදු තරගයක් ඉන්දියාවෙන් පිට නොපැවැත්වෙන බවයි ජේ ශාහ් ක්රික්බස් වෙබ් අඩවිය වෙත සදහන් කර ඇත්තේ.
ඉන්දීය මහ මැතිවරණය අප්රේල් 19 වැනිදා සිට ජූනි 4 වැනිදා දක්වා අදියර 7ක් යටතේ පැවැත්වීමට නියමිත බව ඉන්දීය මැතිවරණ කොමිසම නිවේදනය කර තිබෙනවා.
එම දින ප්රකාශයට පත් කිරීමත් සමග අයි.පී.එල් තරගාවලියේ සමස්ත තරග කාලසටහන ඉදිරියේ දී නිවේදනය කිරීමට ඉන්දීය ක්රිකට් පාලක මණ්ඩලය කටයුතු කරනු ඇති.
මීට පෙර තරගාවලියේ පළමු තරග 21 කට අදාළ තරග කාලසටහන පමණක් එරට ක්රිකට් පාලක මණ්ඩලය විසින් නිකුත් කරනු ලැබුවේ ඒ වන විට ඉන්දීය මහ මැතිවරණයේ දින ප්රකාශයට පත් කර නොතිබූ බැවින්.
එනම් මේ වන විට නිවේදනය කර ඇත්තේ මාර්තු 22 වැනිදා සිට අප්රේල් 7 වැනිදා දක්වා පමණක් වලංගු වන තරග කාලසටහනක් පමණයි.
