බංග්ලාදේශ ප්රිමියර් ලීග් ක්රිකට් තරගාවලියේදී ක්රීඩකයින්ට ගෙවීම් නිසි වේලාවට සිදු නොකිරීම සම්බන්ධයෙන් කරුණු සෙවීම සදහා බංග්ලාදේශ රජය කමිටුවක් පත් කර තිබෙනවා.
එරට ක්රීඩා අමාත්යංශය නිවේදනය කළේ එම කමිටුවට පුද්ගලයින් තිදෙනෙකු නම් කර ඇති බවයි.
“කොන්ත්රාත්තු අනුව ගෙවීම් සිදු නොකළහොත්, BCB සහ BPL හරහා රටේ ප්රතිරූපයට හානි සිදුවනු ඇත.” යනුවෙන් ක්රීඩා අමාතංශය නිකුත් කළ නිවේදනයේ සදහන්.
ජාතික ක්රීඩා කවුන්සලයේ අධ්යක්ෂ Humayun Kabir, සහාය අධ්යක්ෂ Sajia Afrin හා සභාපතිවරයාගේ පෞද්ගලික ලේකම් Saiful Islam මෙම කමිටුවට පත් කර තිබෙනවා.
මෙම කමිටුව දින 7ක් තුළ සිය වාර්තාව ක්රීඩා අමාත්යංශයට භාර දිය යුතුයි.
ගෙවීම් ලබා නොදීම හේතුවෙන් Durbar Rajshahi කණ්ඩායමේ විදෙස් ක්රීඩකයින් තරග වර්ජනය කිරීමට මීට පෙර පියවර ගත් අතර, ඊට පෙර ඇතැම් ක්රීඩකයින් පුහුණුවීම් කටයුතු ද වර්ජනය කර තිබුණා.
පසුව බංග්ලාදේශ ක්රිකට් ආයතනය සදහන් කළේ එම කණ්ඩායමට එරෙහිව නීතිමය පියවර ගැනීමට කටයුතු කරන බවයි.
