ආසියානු ක්රිකට් කවුන්සලයේ (ACC) හා පාකිස්තාන ක්රිකට් ආයතනයේ (PCB) නිළධාරීන් මේ වන විට ශ්රී ලංකාවට පැමිණ සිටිනවා. ඒ, 2023 ආසියානු කුසලාන එක්දින ක්රිකට් තරගාවලියේ සංවිධාන කටයුතු පිළිබද සාකච්ඡා කිරීම සදහායි.
පාකිස්තාන ක්රිකට් ආයතනයේ නිළධාරීන් අද(20) දිනයේ දී මෙරටට පැමිණි බවයි ශ්රී ලංකා ක්රිකට් ආයතනය සදහන් කළේ. නැගී එන කණ්ඩායම් ආසියානු කුසලාන එක්දින ක්රිකට් තරගාවලිය වෙනුවෙන් මෙරටට පැමිණි ආසියානු ක්රිකට් කවුන්සලයේ සාමාජිකයින් ද තවදුරටත් මෙරට රැදී සිටිනවා.
මෙවර ආසියානු කුසලාන එක්දින ක්රිකට් තරගාවලිය පාකිස්තානයේ දී හා ශ්රී ලංකාවේ දී පැවැත්වීමට නියමිත අතර, මහනුවර පල්ලේකැලේ ක්රීඩාංගනයේ දී හා කොළඹ ආර්. ප්රේමදාස ක්රීඩාංගනයේ දී මෙරට පැවැත්වෙන තරග පැවැත්වීමට නියමිතයි.
ඒ් අනුව හෙට(21) දිනයේ දී ආසියානු ක්රිකට් කවුන්සලයේ හා පාකිස්තාන ක්රිකට් ආයතනයේ නිළධාරීන් එම ක්රීඩාංගනවල නිරීක්ෂණ චාරිකාවක නිරත වීමට නියමිතව තිබෙනවා.
එමෙන්ම ආසියානු කුසලාන තරගාවලියේ සංවිධාන කටයුතු සම්බන්ධයෙන් එම නිළධාරීන් හා ශ්රී ලංකා ක්රිකට් ආයතනයේ නිළධාරීන් අතර ද සාකච්ඡා පැවැත්වීමට නියමිතයි.
ආසියානු කුසලාන තරගාවලිය අගෝස්තු 30 වැනිදා සිට සැප්තැම්බර් 17 වැනිදා දක්වා පැවැත්වීමට නියමිත අතර, තරගාවලියේ සමාරම්භක තරගය පාකිස්තානය හා නේපාලය අතර මුල්තාන් හී දී යි පැවැත්වීමට නියමිතව ඇත්තේ.
