තමා අද(1) තරගයෙන් පසුව ක්රිකට් පිටියෙන් සමු නොගන්නා බව චෙන්නායි සුපර් කිංග්ස් කණ්ඩායමේ නායක සහ ඉන්දීය හිටපු නායක මහේන්ද්ර සිං දෝනි පවසනවා.
කිංග්ස් ඉලවන් පංජාබ් කණ්ඩායමට එරෙහි අද තරගය ආරම්භ වීමට පෙර කාසියේ වාසිය උරගා බැලීමේ අවස්ථාවට එක්වෙමින් දෝනි ඒ බව සදහන් කළා.
දෝනි මේ වන විටත් ජාත්යන්තර ක්රිකට් පිටියෙන් සමු ගෙන ඇති අතර, මෙවර අයි.පී.එල් තරග වාරයේ දී ඔහු සැලකිය යුතු දක්ෂතාවයක් පිතිකරණයෙන් දැක්වීමට සමත් වූයේ නැහැ.
එමෙන්ම චෙන්නායි කණ්ඩායම ද මෙවර තරගාවලියේ අවසන් වටයට ද සුදුසුකම් ලැබීමට සමත් නොවීම හේතුවෙන් එම්.එස් දෝනිගේ අනාගත ක්රිකට් දිවිය සම්බන්ධයෙන් බොහෝ දෙනෙකුට පවතින්නේ සැක සහිත බවක්.
ඒ අනුව අද තරගය චෙන්නායි පිල වෙනුවෙන් ක්රීඩා කරන අවසන් තරගය වනු ඇත්දැයි කාසියේ වාසිය උරගා බැලීමේ අවස්ථාවේ දී නිවේදකයා විසින් දෝනිගෙන් විමසූ අවස්ථාවේ දී දෝනි සදහන් කළේ “ඒකාන්තයෙන්ම නැහැ” යනුවෙන්.
