පාකිස්තාන සුපර් ලීග් ක්රිකට් තරගාවලියේ අවසන් තරග කිහිපය විනිසුරු තීරණ නැවත විමසීමේ ක්රමවේදය (Decision Review System) (DRS) නොමැතිව පැවැත්වීමට සිදුව තිබෙනවා.
ඒ, ඉන්දියාව හා පාකිස්තානය අතර ආරම්භ වූ යුද උණුසුමත් සමග පාකිස්තාන සුපර් ලීග් තරගාවලිය තාවකාලිකව අත්හිටුවා යළි ආරම්භ කළ අවස්ථාවේදී DRS තාක්ෂණය ලබා දෙන Hawk-Eye කණ්ඩායම යළි පාකිස්තානයට නොපැමිණීම හේතුවෙන්.
2017 වසරේ සිට DRS තාක්ෂණය පාකිස්තාන සුපර් ලීග් තරගාවලියට යොදා ගැණුනු අතර, මැයි 7 වැනිදා තරගාවලිය තාවකාලිකව අත්හිටුවන අවස්ථාව දක්වා DRS තාක්ෂණය තරගාවලියට යොදා ගත්තා.
තරගාවලිය නැවත ආරම්භ කිරීමෙන් පසුව පැවැති පළමු තරග පහේදී කිසිදු ගැටලුවකින් තෙරව විශේෂ සිදුවීමක් හෝ මතභේදාත්මක සිද්ධියක් සිදු නොවී තරග පැවැත්වුණා.
පාකිස්තාන ක්රිකට් ආයතනය හෝ පාකිස්තාන සුපර් ලීග් සංවිධායකයින් මෙතෙක් මේ සම්බන්ධයෙන් නිල ප්රකාශයක් සිදු කර නැහැ.
