බටහිර ඉන්දීය කොදෙව් ටෙස්ට් ක්රිකට් කණ්ඩායම සදහා නව නායකයෙකු පත් කර තිබෙනවා.
ඒ අනුව කොදෙව් ක්රිකට් ආයතනය නිවේදනය කළේ රොස්ටන් චේස් එරට ටෙස්ට් කණ්ඩායමේ නායකයා ලෙස ඉදිරියේදී කටයුතු කරන බවයි.
සිකුරාදා පැවැති කොදෙව් ක්රිකට් අධ්යක්ෂ මණ්ඩල රැස්වීමේදී ඔහුගේ පත් කිරීම ඒකමතිකව අනුමත කර තිබෙනවා.
මීට පෙර කොදෙව් ටෙස්ට් කණ්ඩායමේ නායකයා ලෙස ක්රෙයිග් බ්රැත්වෙයිට් කටයුතු කළ අතර, ඔහු මෑතකදී එම ධූරයෙන් ඉවත් වුණා.
ජූනි 25 වැනිදා ඔස්ට්රේලියාව සමග ආරම්භ වන ටෙස්ට් තරගාවලිය රොස්ටන් චේස්ගේ නායකත්වය යටතේ කොදෙව්වන් ක්රීඩා කරන පළමු ටෙස්ට් තරගාවලිය වනු ඇති.
කොදෙව් එක්දින කණ්ඩායමේ නායක ෂේයි හෝප් එරට විස්සයි 20 කණ්ඩායමේ නව නායකයා ලෙස ද පත් කර කිරීමට මීට පෙර කොදෙව් ක්රිකට් ආයතනය තීරණය කළා.
