ශ්රී ලංකාව හා ඔස්ට්රේලියාව අතර පැවැත්වෙන පළමු එක්දින ක්රිකට් තරගයේදී ද ශ්රී ලංකා මුල් පෙල පිතිකරුවන් අද(12) අසාර්ථක වුණා.
කොළඹ ආර්. ප්රේමදාස ක්රීඩාංගනයේ පැවැත්වෙන තරගයේ කාසියේ වාසිය දිනා පළමුව පන්දුවට පහර දීමට පිටියට පිවිසි ශ්රී ලංකා ඉනිමේ පළමු කඩුලු 4 දැවී ගියේ ලකුණු 31 ක් තුළදීයි. පස්වැනි කඩුල්ල ලකුණු 55 දී බිද වැටුණා.
පළමු කඩුල්ල ලෙස පැතුම් නිස්සංක ලකුණු 4කටත්, දෙවැනි කඩුල්ල ලෙස අවිශ්ක ප්රනාන්දු එක් ලකුණකටත් දැවී ගියා. කුසල් මෙන්ඩිස් ලකුණු 19 ක් ලබා ගත් අතර, කමිදු මෙන්ඩිස් දැවී ගියේ ලකුණු 5 කටයි. ජනිත් ලියනගේ ලකුණු 11 යි.
නිමා වූ නවසීලන්ත තරග සංචාරයේ පළමු එක්දින තරග දෙකේදී ද ශ්රී ලංකා මුල් පෙල පිතිකරුවන් මේ ආකාරයෙන්ම අසාර්ථක වූ අතර, එම තරගාවලියේ පළමු තරගයේදී ශ්රී ලංකා ඉනිමේ පළමු කඩුලු 4 ලකුණු 23 ක් තුළත්, දෙවැනි තරගයේදී පළමු කඩුලු 4 ලකුණු 22 ක් තුළත් බිද වැටුණා.
පළමු කඩුලු හතරේ දර්ශන පහතින් –
— cric sl (@cricslvideo) February 12, 2025
