සංචාරක ශ්රී ලංකා කණ්ඩායම හා දකුණු අප්රිකා කණ්ඩායම අතර පැවැත්වෙන දෙවැනි හා අවසන් ටෙස්ට් ක්රිකට් තරගය හෙට (5) Gqeberha හීදී (Port Elizabeth) ආරම්භ වීමට නියමිතව තිබෙනවා. තරගය මෙරට වේලාවෙන් පස්වරු 1:30 ට ආරම්භ වීමට නියමිතයි.
දෙරට අතර පැවැති පළමු ටෙස්ට් තරගයෙන් ලකුණු 233 ක ජයක් වාර්තා කිරීමට දකුණු අප්රිකාව සමත් වූ බැවින් ඔවුන් මේ වන විට තරග 1-0 ක් ලෙස තරගාවලියේ පෙරමුණ හිමි කර ගෙන සිටිනවා.
ලෝක ටෙස්ට් ශූරතාවලියේ අවසන් මහා තරගයට අනෙකුත් කණ්ඩායම්වල ප්රතිපල මත යැපීමකින් තොරව සුදුසුකම් ලබා ගැනීමටනම් මෙම තරගයෙන් ජය ගැනීම ශ්රී ලංකාවට අනිවාර්යය වනවා. ඊට අමතරව ඔස්ට්රේලියාවට එරෙහිව ඉදිරියේදී පැවැත්වීමට නියමිත ටෙස්ට් තරග දෙකද ශ්රී ලංකාව ජය ගත යුතුයි.
මේ අතර, හෙට තරගය සදහා ඇතැම් විට ශ්රී ලංකාවෙන් එක් වෙනසක් සිදු වීමට ඉඩ තිබෙනවා. අද පැවැති මාධ්ය හමුවකදී නායක ධනංජය ද සිල්වා සදහන් කළේ ඩර්බන් තණතීරුව හා සැසදීමේදී මෙම තරගය සදහා යොදා ගන්නා තණතීරුවෙහි තණකොල වැඩි ප්රමාණයක් දැක ගත හැකි බවයි.
ඒ අනුව හෙට තරගය සදහා ප්රධාන වේග පන්දු යවන්නන් සිව් දෙනෙකු සමග ක්රීඩා කිරීමට ඇතැම් විට ඉඩ ඇති බව ශ්රී ලංකා නායකයා පෙන්වා දුන්නා. එහිදී ප්රභාත් ජයසූරිය වෙනුවට මිලාන් රත්නායක කණ්ඩායමට ආදේශ කිරීමට කටයුතු කරනු ඇති. මිලාන් රත්නායකගේ පිතිකරණ හැකියාව ද ඉහළ මට්ටමක පැවතීම ශ්රී ලංකා කණ්ඩායමට අමතර වාසියක් හිමි කර දෙනවා.
අවශ්ය වුවහොත් දග පන්දු යැවීම සදහා ධනංජය ද සිල්වා හා කමිදු මෙන්ඩිස් කණ්ඩායමේ රැදී සිටිනවා. කෙසේ වෙතත්, මේ සම්බන්ධයෙන් අවසන් තීරණය හෙට දිනයේදී ගැනීමට නියමිත බව සදහන්.
දෙවැනි ටෙස්ට් තරගයට ක්රීඩා කළ හැකි ශ්රී ලංකා කණ්ඩායම –
Dimuth Karuanaratne, Pathum Nissanka, Dinesh Chandimal, Angelo Mathews, Kamindu Mendis, Dhananjaya de Silva (c), Kusal Mendis (wk), Prabath Jayasuriuya / Milan Rathnayake, Vishwa Fernando, Asitha Fernando, Lahiru Kumara
SL have named their 12 for Port Elizabeth. All-rounder Milan Ratnayake comes into midst along with Durban 11. Bit of grass cover on the pitch might prompt them to go for all seam attack leaving out Prabath Jayasuriya. But if grass is taken out tomorrow, they’ll stick to same XI.
— Rex Clementine (@RexClementine) December 4, 2024
