ඉන්දීය ප්රිමියර් ලීග් ක්රිකට් තරගාවලි ඉතිහාසයේ වෙන්දේසියකදී අලෙවි වූ ලාබාලතම ක්රීඩකයා බවට පත් වීමට ඉන්දියාවේ බිහාර්හි විභව් සූර්යවංශීට (Vaibhav Suryavanshi) මෙවර වෙන්දේසියේදී හැකියාව ලැබුණා.
වමත් මුල්පෙල පිතිකරුවෙකු වන ඔහු මේ වන විට 13 වන වියේ (වෙන්දේසිය පැවැති දිනය වන විට වයස – අවුරුදු 13 යි දින 243) පසුවන අතර, ඔහුව මිලදී ගත්තේ රාජස්ථාන් රෝයල්ස් කණ්ඩායම විසිනුයි.
ඉන්දීය රුපියල් කෝටි 1.10 ක (ශ්රී ලංකා මුදලින් රුපියල් කෝටි 3.8 ක පමණ අගයක්) මුදලකට වෙන්දේසියේ දෙවැනි දිනයේදී RR කණ්ඩායම ඔහුව මිලදී ගත්තා.
Suryavanshi මේ වන විටත් ඉන්දීය වයස අවුරුදු 19 න් පහළ කණ්ඩායම ද නියෝජනය කර ඇති අතර, ඔහු එහිදි ඔස්ට්රේලියානු යොවුන් කණ්ඩායමට එරෙහිව චෙන්නායිහීදී මීට මාස දෙකකට පමණ පෙර පැවැති සිව්දින තරගයකදී ආරම්භක පිතිකරුවෙකු ලෙස ශතකයක් ද වාර්තා කිරීමට සමත් වුණා.
ඉන්දීය රුපියල් ලක්ණ 30 ක මූලික වටිනාකමක් සහිත කාණ්ඩයෙන් ඔහු මෙවර වෙන්දේසියට ඉදිරිපත්ව සිටියා. ඔහුව මිලදී ගැනීම සදහා ලංසු ඉදිරිපත් කළේ රාජස්ථාන් කණ්ඩායම හා දිල්ලි කැපිටල්ස් කණ්ඩායමයි. අවසානයේ ඔහුව රාජස්ථාන් පිලට අලෙවි වුණා.
Watch 13 year old vaibhav suryavanshi's quick fire 82 runs against Australia u19
RR picks him for 1.10 Cr pic.twitter.com/7mMvKHtbvv
— ICT Fan (@Delphy06) November 25, 2024
