ඔස්ට්රේලියානු ප්රධාන පුහුණුකරු ඇන්ඩෘ මැක්ඩොනල්ඩ්ගේ ධූර කාලය 2027 වසර අවසානය දක්වා දීර්ඝ කර තිබෙනවා.
ඒ අනුව 2027 එක්දින ලෝක කුසලාන ක්රිකට් තරගාවලියේ දී මෙන්ම 2025-27 අයි.සී.සී ලෝක ටෙස්ට් ශූරතාවලියේ දී ද කණ්ඩායමට මග පෙන්වීමේ වගකීම පැවරී ඇත්තේ ඔහුටයි.
මැක්ඩොනල්ඩ් 2022 වසරේ දී පළමු වරට පුහුණුකරු ලෙස පත් කරන විට ඔහු ගිවිසුම්ගත වූයේ 2026 වසරේ මැද භාගය වන තුරුයි.
ඒ අනුව ඔහු 2026 පන්දුවාර විස්සයි 20 ලෝක කුසලාන ක්රිකට් තරගාවලියෙන් පසුව ධූරයෙන් ඉවත් වීමටයි නියමිතව තිබුණේ.
2022 වසරේදී ජස්ටින් ලැන්ගර්ගෙන් පසුව ඔස්ට්රේලියානු කණ්ඩායමේ ප්රධාන පුහුණුකරු ධූරය භාර ගත් මැක්ඩොනල්ඩ් 2023 අයි.සී.සී ලෝක ටෙස්ට් ශූරතාවලිය හා එක්දින ලෝක ශූරතාවය ඔස්ට්රේලියාවට දිනා ගැනීම සදහා මග පෙන්වනු ලැබුවා.
