2021 වසරෙන් පසුව පළමු වරට සිය රටේදී ටෙස්ට් තරගයක් ජය ගැනීමට පාකිස්තාන කණ්ඩායම අද(18) සමත් වුණා.
ඒ, මුල්තාන්හී දී එංගලන්තය සමග පැවැති දෙවැනි ටෙස්ට් තරගයෙන් ලකුණු 152 ක ජයක් වාර්තා කරමින්. ඒ අනුව දෙරට අතර පැවැත්වෙන තරග 3 කින් යුත් ටෙස්ට් තරගාවලිය ද තරග 1-1 ක් ලෙස මේ වන විට සම තත්ත්වයට පත්ව තිබෙනවා.
දෙවැනි ටෙස්ට් තරගයේ දී එංගලන්ත කණ්ඩායමේ දැවී ගිය කඩුලු විස්සම දවා ගත්තේ සජිඩ් ඛාන් හා නෝමන් අලී විසින් වීම ද විශේෂත්වයක්. මෙලෙස පන්දු යවන්නන් දෙදෙනෙකු විසින් ටෙස්ට් තරගයකදී කඩුලු විස්සම දවා ගත් සිදු වීමක් වාර්තා වූයේ 1972 වසරෙන් පසුව පළමු වරටයි.
තරගයේ සිව්වැනි දිනය වූ අද දිනය ආරම්භ කරන විට සිය දෙවැනි ඉනිමේ දී ලකුණු 297 ක ජයග්රාහී ඉලක්කයක් හඹා යමින් සිටි එංගලන්තය කඩුලු 2 ක් දැවී ලකුණු 36 ක් ලබා සිටි අතර, ඔවුන්ට සියලු දෙනා දැවී රැස් කර ගත හැකි වූයේ ලකුණු 144 ක් පමණයි.
බෙන් ස්ටොක්ස් ලකුණු 37 ක් හා බ්රයිඩන් කර්ස් ලකුණු 27 ක් ලබා ගත්තා. ඔලී පෝප් ලකුණු 22 යි.
පන්දු යැවීමේ දී නෝමන් අලී කඩුලු 8ක් දවා ගත්තේ ලකුණු 46 ක් ලබා දෙමින්. සජිඩ් ඛාන් කඩුලු දෙකක් බිද හෙලුවා.
තරගයේ පළමුව පන්දුවට පහරදුන් පාකිස්තානය සියලු දෙනා දැවී ලකුණු 366 ක් ලබා ගත් අතර, පිළිතුරු ඉනිම ක්රීඩා කළ එංගලන්තය සියලු දෙනා දැවී රැස් කළේ ලකුණු 291 ක් පමණයි.
එහිදී සජීඩ් ඛාන් ලකුණු 111 කට කඩුලු 7 ක් හා නෝමන් අලී ලකුණු 101 කට කඩුලු 3 ක් බිද හෙලුවා.
පාකිස්තානය දෙවැනි ඉනිමට රැස් කළ ලකුණු සංඛ්යාව 221 ක්.
The bat goes flying and Rizwan does the rest behind the stumps 🎯
Noman Ali outfoxes the England captain ☝️#PAKvENG | #TestAtHome pic.twitter.com/Q2a2GtfmsV
— Pakistan Cricket (@TheRealPCB) October 18, 2024
