සංචාරක නවසීලන්ත කණ්ඩායම සමග පැවැත්වීමට නියමිත ටෙස්ට් ක්රිකට් තරගාවලිය සදහා වන ඉන්දීය සංචිතය නම් කර තිබෙනවා.
රෝහිත් ෂර්මාගේ නායකත්වයෙන් යුත් සංචිතයට ක්රීඩකයින් 15 දෙනෙකු ඇතුළත් අතර, උප නායකයා ලෙස පත් කර ඇත්තේ ජස්ප්රිට් බුම්රා.
ආබාධයකින් තවමත් සුවය ලබමින් සිටින බැවින් මොහමඩ් ෂාමිට මෙම තරගාවලිය ද අහිමි වී තිබෙනවා. ඔහු 2023 එක්දින ලෝක කුසලාන ක්රිකට් තරගාවලියෙන් පසු මෙතෙක් ඉන්දියාව වෙනුවෙන් කිසිදු තරගයක් ක්රීඩා කර නැහැ.
බංග්ලාදේශයට එරෙහි ටෙස්ට් සංචිතයට ඇතුළත්ව සිටි යශ් දයාල්ට නවසීලන්තයට එරෙහි තරගාවලිය අහිමි වී තිබෙනවා.
හර්ෂිත් රානා, මයාන්ක් යාදව්, ප්රසිද් ක්රිෂ්නා හා නිටිෂ් රෙදී අතිරේක ක්රීඩකයින් ලෙස නම් කිරීමටයි පියවර ගෙන ඇත්තේ.
ඉන්දියාව හා නවසීලන්තය අතර පළමු ටෙස්ට් තරගය බැංගලූරුහී දී ඔක්තෝබර් 16 වැනිදා ආරම්භ වීමට නියමිතයි.
ඉන්දීය සංචිතය –
Rohit Sharma (C), Jasprit Bumrah (VC), Yashasvi Jaiswal, Shubman Gill, Virat Kohli, KL Rahul, Sarfaraz Khan, Rishabh Pant (WK), Dhruv Jurel (WK), Ravichandran Ashwin, Ravindra Jadeja, Axar Patel, Kuldeep Yadav, Mohd. Siraj, Akash Deep
