පළමු ටෙස්ට් ක්රිකට් තරගය පවත්වා වසර 150 ක් සපිරීම නිමිත්තෙන් විශේෂ ටෙස්ට් තරගයක් ඔස්ට්රේලියාව හා එංගලන්තය අතර පැවැත්වීමට තීරණය කර තිබෙනවා.
2027 වසරේ මාර්තු මාසයේ දී මෙල්බර්න් ක්රිකට් ක්රීඩාංගනයේ දී එම තරගය පැවැත්වීමටයි නියමිතව ඇත්තේ.
ටෙස්ට් තරග ආරම්භ වී වසර 100 ක් සපිරීම නිමිත්තෙන් 1977 වසරේ දී ද දෙරට අතර මෙල්බර්න් හී දී විශේෂ ටෙස්ට් තරගයක් පැවැති අතර, එම තරගයෙන් ඔස්ට්රේලියාව ලකුණු 45 ක ජයක් වාර්තා කළා.
1877 වසරේ පැවැති ඉතිහාසයේ පළමු ටෙස්ට් තරගයෙන් එංගලන්තය පරදා මෙල්බර්න් හී දී ඔස්ට්රේලියාව ජය වාර්තා කළේ ද ලකුණු 45 කින්ම වීම විශේෂත්වයක්.
