2024 T20 ලෝක කුසලාන ක්රිකට් තරගාවලියේ දෙවැනි අවසන් පූර්ව තරගයෙන් එංගලන්තය පරදා ලකුණු 68 ක ජයක් වාර්තා කරමින් තරගාවලියේ අවසන් මහා තරගයට සුදුසුකම් ලබා ගැනීමට ඉන්දීය කණ්ඩායම සමත් වුණා.
දෙවැනි අවසන් පූර්ව තරගය ගයානාහි Providence ක්රීඩාංගනයේ දී පැවැති අතර, කාසියේ වාසිය දිනූ එංගලන්තයේ ආරාධනයෙන් පළමුව පන්දුවට පහරදුන් ඉන්දියාව කඩුලු 7ක් දැවී ලකුණු 171 ක් ලබා ගත්තා.
පිළිතුරු ඉනිම ක්රීඩා කළ එංගලන්තයට පන්දුවාර 16.4 ක් අවසානයේ දී සියලු දෙනා දැවී ලබා ගත හැකි වූයේ ලකුණු 103 ක් පමණයි.
එංගලන්තය වෙනුවෙන් හැරී බෲක් ලකුණු 25 ක්, ජොස් බට්ලර් ලකුණු 23 ක් හා ජොෆ්ර ආචර් ලකුණු 21 ක් රැස් කළා.
පන්දු යැවීමේ දී අක්සාර් පටෙල් හා කුල්දීප් යාදව් කඩුලු 3 බැගින් බිද හෙලුවා.
පළමුව පන්දුවට පහරදුන් ඉන්දියාව වෙනුවෙන් රෝහිත් ෂර්මා ලකුණු 57 ක් හා සූර්යකුමාර් යාදව් ලකුණු 47 ක් ලබා ගත්තා. පන්දු යැවීමේ දී ක්රිස් ජෝර්ඩන් ලකුණු 37 කට කඩුලු 3 ක් දවා ගත්තා.
ඒ අනුව එළඹෙන 29 වැනිදා පැවැත්වෙන අවසන් මහා තරගයේ දී දකුණු අප්රිකාව සමගින් ඉන්දියාව තරග වැදීමට නියමිතයි.
