බ්රිතාන්යයේ යෝක්ෂයර් ප්රාන්ත කණ්ඩායම විසින් ශ්රී ලංකා වේග පන්දු යවන ක්රීඩක විශ්ව ප්රනාන්දු සමග ගිවිසුම්ගත වී තිබෙනවා.
ප්රාන්ත සිව්දින තරගාවලිය (County Championship) යටතේ යෝක්ෂයර් කණ්ඩායම ක්රීඩා කිරීමට නියමිත ඉදිරි තරග තුන ක්රීඩා කිරීම සදහායි ඔහු එලෙස ගිවිසුම්ගත වී ඇත්තේ.
ඒ අනුව ඔහු Northamptonshire, Gloucestershire හා Derbyshire කණ්ඩායම්වලට එරෙහිව යෝක්ෂයර් කණ්ඩායම ඉදිරියේ දී ක්රීඩා කිරීමට නියමිත තරග තුන සදහා ක්රීඩා කිරීමට නියමිතයි. යෝක්ෂයර් කණ්ඩායමේ නායකයා ලෙස කටයුතු කරන්නේ පාකිස්තානයේ ශාන් මසූඩ්.
32 හැවිරිදි විශ්ව ප්රනාන්දු ශ්රී ලංකාව වෙනුවෙන් ටෙස්ට් තරග 23 කදී දවා ගෙන ඇති කඩුලු ගණන 64 ක්.
ඔහු පසුගිය වසරේ දී Durham කණ්ඩායම වෙනුවෙන් තරග දෙකක් ක්රීඩා කළ අතර, එහිදී කඩුලු 7ක් දවා ගැනීමට සමත් වුණා.
ශ්රී ලංකා කණ්ඩායම මෙම ගිම්හාන තරග වාරයේ දී එංගලන්ත තරග සංචාරයක නිරත වීමට නියමිතව ඇති පසුබිමකයි විශ්ව ප්රනාන්දුට එරට ප්රාන්ත තරග ක්රීඩා කිරීම සදහා මෙලෙස අවස්ථාවක් හිමිව ඇත්තේ.
ශ්රී ලංකාව හා එංගලන්තය අතර තරග 3කින් යුත් ටෙස්ට් තරගාවලියේ පළමු තරගය අගෝස්තු 21 වැනිදා මැන්චෙස්ටර්හි Emirates Old Trafford ක්රීඩාංගනයේ දී ආරම්භ වීමට නියමිතයි.
