ඉන්දීය ප්රිමියර් ලීග් ක්රිකට් තරගාවලියේ 29 වැනි තරගයේ දී තමන් යොමු කළ පළමු පන්දුවාරයේ පළමු පන්දු තුන තුළ මුම්බායි ඉන්දියන්ස් කණ්ඩායමේ ප්රබල කඩුලු දෙකක් දවා ගැනීමට චෙන්නායි සුපර් කිංග්ස් කණ්ඩායමේ වේග පන්දු යවන ක්රීඩක මතීෂ පතිරණ අද(14) සමත් වුණා.
මුම්බායි හි වන්කඩේ ක්රීඩාංගනයේ දී ආරම්භ වූ මෙම තරගයේ කාසියේ වාසිය දිනූ මුම්බායි පිලේ ආරාධනයෙන් පළමුව පන්දුවට පහරදුන් චෙන්නායි කණ්ඩායම නියමිත පන්දුවාර 20 අවසන් කළේ කඩුලු 4 ක් දැවී ලකුණු 206 ක් ලබා ගනිමින්.
මුම්බායි පිළිතුරු ඉනිමේ ආරම්භක කඩුල්ල සදහා පන්දුවාර 7.1 ක් තුළ ලකුණු 70 ක වේගවත් සම්බන්ධතාවයක් ගොඩ නැගීමට ඉෂාන් කිෂන් හා රෝහිත් ෂර්මා සමත් වුණා.
පළමු කඩුල්ල ලෙස ඉෂාන් දැවී ගියේ පතිරණ මෙම තරගයේ දී යොමු කළ පළමු පන්දුවටම ශර්දුල් තාකූර් අතට උඩ පන්දුවක් ලබා දෙමින්. දැවී යන විට ඔහු ලබා සිටි ලකුණු සංඛ්යාව 23(15) ක්.
අනතුරුව පතිරණ යොමු කළ තෙවැනි පන්දුවේ දී සූර්යකුමාර් යාදව් ලකුණු නොලබා දැවී ගියා. ඒ, මුස්ටර්ෆිසුර් රහ්මාන් රැක ගත් සුපිරි උඩ පන්දුවක් හමුවේයි.
Ishan Kishan ✅
Suryakumar Yadav ✅Relive Matheesha Pathirana's double-delight over which also included a magnificent catch by Mustafizur Rahman at the ropes 👏👏
Watch the match LIVE on @starsportsindia and @JioCinema 💻📱#TATAIPL | #MIvCSK | @ChennaiIPL pic.twitter.com/XbSsEiXLgZ
— IndianPremierLeague (@IPL) April 14, 2024
