සංචාරක එංගලන්ත කණ්ඩායම හා ඉන්දීය කණ්ඩායම අතර පැවැත්වෙන පස්වැනි හා අවසන් ටෙස්ට් ක්රිකට් තරගයේ පළමු දිනය අද(7) ධර්ම්සාලා හීදී නිමා වුණේ දිනයේ සියලු ගෞරව ඉන්දියාවට හිමි කර දෙමින්.
දිනය නිමා වන විට සිය පළමු ඉනිම ක්රීඩා කරමින් සිටි ඉන්දියාව කඩුල්ලක් දැවී ලකුණු 135 ක් ලබා සිටියේ කාසියේ වාසිය දිනා පළමුව පන්දුවට පහරදුන් එංගලන්තය රැස් කළ ලකුණු 218 ට පිළිතුරු වශයෙන්.
ඒ අනුව ඉන්දියාව මේ වන විට පළමු ඉනිමේ දී පිටුපසින් පසුවන ලකුණු සංඛ්යාව 83 ක්.
නොදැවී පන්දුවට පහර දෙමින් සිටි රෝහිත් ෂර්මා ලකුණු 52 ක් හා ෂුබ්මන් ගිල් ලකුණු 26 ක් ලබා කඩුල්ලේ රැදී සිටිනවා. යශස්වි ජයිස්වාල් ලකුණු 57 ක් රැස් කළා. ඔහු දැවී ගියේ ශොයිබ් බෂීර්ගේ පන්දුවක් හමුවේයි.
පළමුව පන්දුවට පහරදුන් එංගලන්ත ඉනිම ලකුණු 170 ක් ලෙස සටහන්ව තිබියදීත් ඔවුන්ගේ දැවී ගොස් තිබුණේ කඩුලු 3ක් පමණයි.
කෙසේ වෙතත්, කුල්දීප් යාදව් දවා ගත් කඩුලු පහ හා තම 100 වැනි ටෙස්ට් තරගය ක්රීඩා කරන රවිචන්ද්රන් අශ්වින් දවා ගත් කඩුලු 4 හමුවේ බිද වැටුණු එංගලන්ත ඉනිම ලකුණු 218 කට සීමා වන විට ඉනිමේ වැඩිම ලකුණුලාභියා වූයේ ආරම්භක පිතිකරු සැක් ක්රව්ලි. ඔහු ලකුණු 79 ක් ලබා ගත්තා. තම සිය වැනි ටෙස්ට් තරගය ක්රීඩා කරන ජොනී බෙයාර්ස්ටව් ලකුණු 29 කට දැවී ගියා.
බෙන් ඩකට් ලකුණු 27 ක්, ජෝ රූට් ලකුණු 26 ක් හා බෙන් ෆෝක්ස් ලකුණු 24 ක් රැස් කළා.
