සංචාරක ඇෆ්ඝනිස්ථාන කණ්ඩායම හා ශ්රී ලංකා කණ්ඩායම අතර පැවැත්වෙන ටෙස්ට් ක්රිකට් තරගයේ පළමු දිනය අද(2) කොළඹ එස් එස් සී ක්රීඩාංගනයේ දී නිමා වුණේ දිනයේ වැඩි ගෞරව ශ්රී ලංකාවට හිමි කර දෙමින්.
දිනය නිමා වන විට සිය පළමු ඉනිම ක්රීඩා කරමින් සිටි ශ්රී ලංකාව කිසිදු කඩුල්ලක් නොදැවී ලබා සිටි ලකුණු සංඛ්යාව 80 ක්.
දිමුත් කරුණාරත්න නොදැවී ලකුණු 42 ක් හා නිශාන් මදුෂ්ක නොදැවී ලකුණු 36 ක් ලබා කඩුල්ලේ රැදී සිටිනවා.
තරගයේ කාසියේ වාසිය දිනූ ශ්රී ලංකා නායක ධනංජය ද සිල්වාගේ ඇරයුමෙන් පළමුව පන්දුවට පහර දීමට පිටියට පිවිසි ඇෆ්ඝනිස්ථානය සිය පළමු ඉනිමට සියලු දෙනා දැවී ලබා ගත් ලකුණු සංඛ්යාව 198 ක්. ඒ අනුව ශ්රී ලංකාව මේ වන විට පළමු ඉනිමේ දී තවත් ලකුණු 118 ක් පිටුපසින් රැදී සිටිනවා.
ඇෆ්ඝනිස්තාන ඉනිමේ වැඩිම ලකුණුලාභියා වූයේ රහ්මට් ශාහ්. ඔහු ලකුණු 91 ක් රැස් කළේ හතරේ පහර 13 ක් ද සමගින්.
නූර් අලී සඩ්රාන් ලකුණු 31 ක් රැස් කළ අතර, ඉක්රම් අලිකිල් හා කායිස් අහ්මඩ් ලකුණු 21 බැගින් රැස් කළා.
පන්දු යැවීමේ දී විශ්ව ප්රනාන්දු ලකුණු 51 කට කඩුලු 4ක් දවා ගත් අතර, අසිත ප්රනාන්දු ලකුණු 24 කට කඩුලු 3ක් දවා ගත්තා. ප්රභාත් ජයසූරිය කඩුලු 3ක් බිද හෙලුවේ ලකුණු 67 ක් ලබා දෙමින්.
ඇෆ්ඝනිස්ථාන පිලේ අවසන් කඩුලු පහ ලකුණු 29 ක් තුළ දවා ගැනීමට ශ්රී ලංකා පන්දු යවන්නන් සමත් වීම ද කැපී පෙනුණා.
මෙම තරගයේ දී ටෙස්ට් වරම් දිනූ චාමික ගුණසේකර පන්දුවාර 9ක් යොමු කළ නමුත්, ඔහුට ලකුණු 50 ක් ලබා දී කිසිදු කඩුල්ලක් දවා ගැනීමට හැකි වූයේ නැහැ.
ඇෆ්ඝනිස්තානය වෙනුවෙන් මෙම තරගයේ දී Noor Ali Zadran, Zia Ur Rehman Akbar, Mohammad Saleem හා Naveed Zadran යන ක්රීඩකයින් සිව්දෙනා ටෙස්ට් වරම් දිනා ගත්තා.
