ලබන මාසයේ දී එංගලන්තය සමග පැවැත්වීමට නියමිත එක්දින ක්රිකට් තරගාවලිය සදහා වන බටහිර ඉන්දීය කොදෙව් සංචිතය නම් කර තිබෙනවා.
මෙතෙක් එක්දින ජාත්යන්තර වරම් දිනා නොමැති ශෙර්ෆේන් රදර්ෆර්ඩ් හා මැතිව් ෆෝර්ඩ් සංචිතය සදහා නම් කිරීමටයි පියවර ගෙන ඇත්තේ.
කඩුලු රකින ක්රීඩක ශේන් ඩව්රිච් ද එක්දින සංචිතයේ ස්ථානයක් යළි හිමි කර ගෙන ඇති අතර, ෂේයි හෝප් නායකත්වය දරන සංචිතයේ උප නායකයා ලෙස පත් කර ඇත්තේ අල්සාරි ජෝසප්.
රොව්මන් පවෙල්, ඩොමිනික් ඩ්රෙක්ස්, ක්යල් මේයර්ස් හා ජයිඩන් සීල්ස් යන ක්රීඩකයින්ට සංචිතයේ ස්ථානයක් හිමිව නැහැ.
ලෝක කුසලාන තරගාවලියට සුදුසුකම් ලබා ගැනීමට නොහැකි වූ බටහිර ඉන්දීය කොදෙව් කණ්ඩායම අවසන් වරට ජාත්යන්තර තරගාවලියක් ක්රීඩා කළේ පසුගිය අගෝස්තු මාසයේ දී ඉන්දියාවට එරෙහිවයි.
එංගලන්ත කණ්ඩායමේ කොදෙව් සංචාරයේ දී දෙරට අතර එක්දින තරග 3ක් හා 20යි 20 තරග 5ක් පැවැත්වීමට නියමිතයි.
එක්දින තරගාවලිය දෙසැම්බර් 3 වැනිදා ද, 20යි 20 තරගාවලිය දෙසැම්බර් 12 වැනිදා ද ආරම්භ වීමට නියමිතව තිබෙනවා.
West Indies ODI squad :
Shai Hope (c), Alzarri Joseph (vc), Alick Athanaze, Yannic Cariah, Keacy Carty, Roston Chase, Shane Dowrich, Matthew Forde, Shimron Hetmyer, Brandon King, Gudakesh Motie, Kjorn Ottley, Sherfane Rutherford, Romario Shepherd, Oshane Thomas
