මෙවර ලෝක කුසලාන එක්දින ක්රිකට් තරගාවලිය යටතේ අද (19) පැවැත්වෙන තරගාවලියේ 17 වැනි තරගයේ දී ඉන්දීය තුන් ඉරියව් ක්රීඩක හර්ඩික් පාන්ඩ්යා ආබාධයකට ලක් වුණා.
බංග්ලාදේශයට එරෙහිව පූනේ හී දී ආරම්භ වූ තරගයේ කාසියේ වාසිය දිනා බංග්ලාදේශය පළමුව පන්දුවට පහරදීමට තීරණය කළ අතර, බංග්ලාදේශ ඉනිමේ 9 වැනි පන්දුවාරයේ දී යි පාන්ඩ්යා මෙම ආබාධයට මුහුණ දුන්නේ.
ඔහු විසින් මෙම තරගයේ දී යොමු කළ පළමු පන්දුවාරය එය වූ අතර, එම පන්දුවාරයේ තෙවැනි පන්දුව යොමු කිරීමෙන් අනතුරුව තමා දෙසට පෙරළා පැමිණි පන්දුව පාදයෙන් නතර කිරීමට ගත් උත්සාහයේ දී පාන්ඩ්යාගේ වම් වළලුකර ප්රදේශයේ මෙම ආබාධය සිදු වුණා.
අනතුරුව මූලික වෛද්ය ප්රතිකාර ඔහුට ලබා දුන් නමුත්, පසුව ඔහුව ක්රීඩාංගනයෙන් ඉවතට රැගෙන යාමටයි පියවර ගැණුනේ.
එම පන්දුවාරයේ ඉතිරි පන්දු තුන විරාත් කෝලි විසින් යොමු කිරීම ද කැපී පෙනුණා. (දර්ශන පහතින් නරඹන්න)
මේ අතර, ඉන්දීය ක්රිකට් පාලක මණ්ඩලය සදහන් කළේ හර්ඩික් පාන්ඩ්යා වෛද්ය පරීක්ෂණයක් (scans) සදහා මේ වන විට රෝහල් ගත කර ඇති බවයි.
Virat Kohli bowling highlights#INDvsBANpic.twitter.com/dUrKhJTydg
— ` (@KohliKlassic) October 19, 2023
