මෙවර ලෝක කුසලාන එක්දින ක්රිකට් තරගාවලිය යටතේ ශ්රී ලංකාව ක්රීඩා කරන දෙවැනි තරගය අද (10) පාකිස්තානයට එරෙහිව පැවැත්වීමට නියමිතව තිබෙනවා.
තරගය හයිදරාබාද් හී දී පස්වරු 2ට ආරම්භ වීමට නියමිතයි. ආබාධයක් හේතුවෙන් දකුණු අප්රිකාවට එරෙහි තරගය ක්රීඩා නොකළ දග පන්දු යවන ක්රීඩක මහීෂ් තීක්ෂණ මෙම තරගය සදහා ක්රීඩා කිරීමට යෝග්යතාවයකින් පසුවන බවයි කණ්ඩායමේ සහාය පුහුණුකරු නවීඩ් නවාස් සදහන් කළේ.
ඒ අනුව මතීෂ පතිරණට හෝ කසුන් රාජිතට අද තරගයේ දී කණ්ඩායමේ ස්ථානය බොහෝ විට අහිමි වීමට ඉඩ පවතිනවා.
එක්දින ලෝක කුසලාන තරගාවලියන් හී දී දෙරට අතර මෙතෙක් පවත්වා ඇති තරග හතම ජය ගෙන ඇත්තේ පාකිස්තානය වීම විශේෂත්වයක්.
ඒ අනුව ශ්රී ලංකාව අද තරග බිමට පිවිසෙන්නේ ඉතිහාසයේ පළමු වරට ලෝක කුසලාන එක්දින තරගාවලියකදී පාකිස්තානය පරාජයට පත් කිරීමේ අරමුණිනුයි.
2019 වසරේ ලෝක කුසලාන තරගාවලියේ දී දෙරට අතර පැවැත්වීමට නියමිතව තිබූ තරගය වර්ෂාව හේතුවෙන් අත්හැර දැමුණා.
මේ අතර, අද තරගය පැවැත්වෙන කාලයේ දී හයිදරාබාද් ප්රදේශයේ වලාකුළුවලින් බරවූ අහසක් අපේක්ෂා කළ හැකි බවට කාළගුණ අනාවැකි පලව තිබෙනවා.
කෙසේ වෙතත්, වර්ෂාවෙන් තරගයට බාධාවක් එල්ල නොවනු ඇති.
