ඉන්දීය ආරම්භක පිතිකරු ෂුබ්මන් ගිල් මේ වන විට උණ රෝගී තත්ත්වයකින් පසුවනවා.
ඒ අනුව මෙවර එක්දින ක්රිකට් ලෝක කුසලාන තරගාවලිය යටතේ ඉන්දියාව ක්රීඩා කරන පළමු තරගය සදහා ඔහුට ක්රීඩා කිරීමට නොහැකි වීමේ අවධානමක් මතුව ඇති බවයි විදෙස් ක්රීඩා මාධ්ය වාර්තා කර ඇත්තේ.
තරගාවලිය යටතේ ඉන්දියාව ක්රීඩා කරන පළමු තරගය එළඹෙන 8 වැනිදා ඔස්ට්රේලියාවට එරෙහිව චෙන්නායි හී දී පැවැත්වෙනවා.
පසුගිය දින දෙකේ දී ම ෂුබ්මන් ගිල් ඉන්දීය කණ්ඩායමේ පුහුණුවීම් කටයුතු සදහා ද එක් වූයේ නැහැ.
“වෛද්ය කණ්ඩායම දැඩිව ඔහුව අධීක්ෂණය කරමින් සිටිනවා. ඔහු ඉක්මනින්ම සුව වනු ඇතැයි අපි බලාපොරොත්තු වෙනවා.” යනුවෙන් ඉන්දීය ක්රිකට් පාලක මණ්ඩලය නිකුත් කළ නිල ප්රකාශයක සදහන්.
මෙම වසරේ වැඩිම එක්දින ලකුණුලාභියා වන ගිල් ලකුණු 1,230 ක් වාර්තා කර ඇත්තේ 72.35 ක සාමාන්යයක් හා 105.03 ක ප්රහාරාත්මක වේගයක් සටහන් කර ගනිමින්.
ෂුබ්මන් ගිල්ට පළමු තරගයට ක්රීඩා කිරීමට නොහැකි වුවහොත් ඔහු වෙනුවට ඉෂාන් කිෂන් ඉනිමේ ආරම්භක පිතිකරුවෙකු ලෙස ආදේශ කරනු ඇති.
