සංචාරක බටහිර ඉන්දීය කොදෙව් කාන්තා කණ්ඩායම සමග පැවැති තරග 3කින් යුත් පන්දුවාර 20යි 20 ක්රිකට් තරගාවලිය තරග 2-1 ක් ලෙස ජය ගැනීමට ඔස්ට්රේලියානු කාන්තා කණ්ඩායම අද(5) සමත් වුණා.
ඒ, බ්රිස්බේන්හි පැවැති තෙවැනි 20යි 20 තරගයෙන් ඔස්ට්රේලියාව ලකුණු 47 ක ජයක් වාර්තා කිරීමත් සමගයි.
තරගයේ පළමුව පන්දුවට පහරදුන් ඔස්ට්රේලියානු ක්රීඩිකාවන් පන්දුවාර 20 අවසානයේ කඩුලු 9 ක් දැවී ලකුණු 190 ක් ලබා ගත්තා.
Tahlia McGrath ලකුණු 65(34) ක් රැස් කළ අතර, පන්දු යැවීමේ දී Shamilia Connell ලකුණු 25 කට කඩුලු 3 ක් බිද හෙලුවා.
පිළිතුරු ඉනිම ක්රීඩා කළ කොදෙව්වන්ට පන්දුවාර 19.5 ක් අවසානයේ සියලු දෙනා දැවී ලබා ගත හැකි වූයේ ලකුණු 143 ක් පමණයි.
මෙම තරගයේ දී ද විශිෂ්ඨ ඉනිමක් ක්රීඩා කළ නායිකා Hayley Matthews පන්දු 40 කින් ලකුණු 79 ක් ලබා ගත්තා.
පන්දු යැවීමේ දී Darcie Brown හා Ashleigh Gardner කඩුලු 3 බැගින් බිද හෙලුවා.
