ඉන්දීය වේග පන්දු යවන ක්රීඩක ජස්ප්රිට් බුම්රා ශ්රී ලංකාවේ දී යළි ඉන්දීය සංචිතය සමග එක්ව තිබෙනවා.
ඒ, ආසියානු කුසලාන තරගාවලියේ සුපිරි 4 වටයේ තරග වෙනුවෙන් ක්රීඩා කිරීමේ අරමුණින්.
ආසියානු කුසලාන තරගාවලිය අතරතුර දී ඔහු පසුගියදා යළි ඉන්දියාව වෙත පිටත්ව ගියේ ඔහුගේ බිරිදගේ පළමු දරු උපත වෙනුවෙනුයි.
ඒ හේතුවෙන් බුම්රාට නේපාලය සමග පැවැති තරගය සදහා ද ක්රීඩා කිරීමට හැකි වූයේ නැහැ.
බුම්රා අද පෙරවරු කාලයේ දී කොළඹට ළගා වී ඇති බවයි ඉන්දීය මාධ්ය වාර්තා සදහන් කර ඇත්තේ.
අද පස්වරු කාලයේ දී ඉන්දීය කණ්ඩායම සමග පුහුණුවීම් කටයුතු සදහා ද ඔහු එක් වීමට නියමිතයි. කොළඹ ආර්. ප්රේමදාස ක්රීඩාංගනයේ දී පුහුණුවීම් කටයුතු සිදු කිරීමට නියමිත අතර, වර්ෂාවෙන් ඊට බලපෑම් එල්ල වුවහොත් ගෘහස්ථ පුහුණු සැසියකට ඔවුන් එක් වනු ඇති.
ආසියානු කුසලාන තරගාවලියේ සුපිරි 4 වටය යටතේ ඉන්දියාව ක්රීඩා කරන පළමු තරගය එළඹෙන 10 වැනිදා පාකිස්තානයට එරෙහිව කොළඹ ආර්.ප්රේමදාස ක්රීඩාංගනයේ දී පැවැත්වීමට නියමිතයි.
