සංචාරක බටහිර ඉන්දීය කොදෙව් යොවුන් කණ්ඩායම හා ශ්රී ලංකා යොවුන් කණ්ඩායම අතර පැවැත්වෙන පළමු සිව්දින ක්රිකට් තරගයේ දෙවැනි දිනය අදයි(6).
දිනය නිමා වන විට සිය පළමු ඉනිම ක්රීඩා කරමින් සිටි කොදෙව් වයස අවුරුදු 19 න් පහළ කණ්ඩායම කඩුල්ලක් දැවී ලකුණු 27 ක් ලබා සිටියා.
Adrian Weir ලකුණු 15 කට දැවී ගියේ විහස් තෙව්මිකගේ පන්දුවක් හමුවේයි.
දඹුල්ල ක්රීඩාංගනයේ පැවැත්වෙන තරගයේ පළමුව පන්දුවට පහරදුන් ශ්රී ලංකා වයස අවුරුදු 19 න් පහළ කණ්ඩායම කඩුලු 8 ක් දැවී ලකුණු 432 ක් ලබා සිටියදී පළමු ඉනිම අත්හිටුවීමටයි තීරණය කළේ.
දිනුර කලුපහන නොදැවී ලකුණු 150 ක් ලබා ගත් අතර, පුලිදු පෙරේරා ලකුණු 71 ක් හා මල්ෂ තරුපති ලකුණු 65 ක් රැස් කළා.
පන්දු යැවීමේ දී Tarrique Edward කඩුලු 3 ක් ද, Isai Thorne හා Nathan Sealy කඩුලු 2 බැගින් ද බිද හෙලුවා.
ඒ අනුව කොදෙව් යොවුන් කණ්ඩායම මේ වන විට පළමු ඉනිමේ දී පිටුපසින් පසුවන ලකුණු සංඛ්යාව 405 ක්.
