එංගලන්තයේ පැවැත්වෙන මෙවර හන්ඩ්රඩ් ක්රිකට් තරගාවලියේ 5 වැනි තරගයෙන් වෙල්ෂ් ෆයර් කණ්ඩායම පරදා ලකුණු දෙකක තියුණු ජයක් වාර්තා කිරීමට සදර්න් බ්රේව් කණ්ඩායම සමත් වුණා.
සවුත්හැම්ටන්හි පැවැති තරගයේ කාසියේ වාසිය දිනූ වෙල්ෂ් ෆයර් කණ්ඩායමේ ආරාධනයෙන් පළමුව පන්දුවට පහර දුන් බ්රේව් කණ්ඩායම නියමිත පන්දු 100 අවසන් කළේ කඩුලු 8 ක් දැවී ලකුණු 147 ක් ලබා ගනිමින්.
ඉනිමේ 8 වැනි කඩුල්ල දැවී ගියේ මුළු ලකුණු පුවරුව ලකුණු 76 ක් ලෙස සටහන්ව තිබියදීයි. ෆින් ඇලන් ලකුණු 21 කටත්, ජේම්ස් වින්ස් හා Leus du Plooy ලකුණු 18 බැගින් ලබා සිටියදීත් දැවී ගියා.
කෙසේ වෙතත්, අගනා ඉනිමක් ක්රීඩා කරමින් සිය කණ්ඩායම සටන්කාමී ලකුණු සංඛ්යාවක් කරා රැගෙන ගිය ක්රිස් ජෝර්ඩන් පන්දු 32 කින් නොදැවී වාර්තා කළ ලකුණු සංඛ්යාව 70 ක්. ඔහුගේ ඉනිමට හයේ පහර 7 ක් හා හතරේ පහර 3 ක් ඇතුළත්.
පන්දු යැවීමේ දී හැරිස් රවුෆ් ලකුණු 27 කට කඩුලු 3 ක් දවා ගත්තා.
පිළිතුරු ඉනිම ක්රීඩා කළ වෙල්ෂ් ෆයර් කණ්ඩායමට පන්දු සියය අවසානයේ කඩුලු 7 ක් දැවී ලබා ගත හැකි වූයේ ලකුණු 145 ක් පමණයි.
Stephen Eskinazi හා ඩේවිඩ් විලී ලකුණු 31 බැගින් රැස් කළා. ලුක් වෙල්ස් ලකුණු 24 යි.
පන්දු යැවීමේ දී ක්රෙයිග් ඕවර්ටන්, ටිමාල් මිල්ස් හා රෙහාන් අහ්මඩ් කඩුලු 2 බැගින් බිද හෙලුවා.
