20යි 20 ජාත්යන්තර තරගයකදී කඩුලු 7ක් දවා ගත් පළමු පන්දු යවන්නා බවට පත් වීමට මැලේසියානු වේග පන්දු යවන ක්රීඩක Syazrul Idrus සමත් වුණා.
20යි 20 ලෝක කුසලාන ක්රිකට් තරගාවලියට සුදුසුකම් ලැබීමේ තරගාවලියක් ලෙස මැලේසියාවේ ක්වාලාලම්පූර් හී දී පැවැත්වෙන ආසියානු B සුදුසුකම් ලැබීමේ තරගාවලියේ (T20 World Cup Asia B Qualifier) පළමු තරගයේ දී චීනයට එරෙහිවයි ඔහු මෙම දක්ෂතාවය දක්වනු ලැබුවේ.
ඔහු දවා ගත් කඩුලු හතම පන්දුව කෙළින්ම කඩුල්ලේ වැදීම හේතුවෙන් දැවී යාම විශේෂත්වයක්.
සිය පන්දුවාර 4 තුළ දී ලකුණු 8ක් පමණක් ප්රතිවාදීන්ට ලබා දෙමිනුයි Syazrul Idrus අදාළ කඩුලු 7 දවා ගත්තා.
ඔහුට පෙර 20යි 20 ජාත්යන්තර තරගයකදී හොදම පන්දු යැවීමේ දක්ෂතාවය දක්වා තිබුණේ නයිජීරියාවේ Peter Aho. ඔහු සියෙරා ලියෝන් රටට එරෙහිව ලකුණු 5කට කඩුලු 6 ක් දවා ගෙන තිබුණා.
චීනය හා මැලේසියාව අතර අද පැවැති තරගයෙන් මැලේසියාව කඩුලු 8ක ජයක් වාර්තා කළා. තරගයේ පළමුව පන්දුවට පහරදුන් චීනය පන්දුවාර 11.2 කදී සියලු දෙනා දැවී රැස් කළේ ලකුණු 23 ක් පමණයි. පිළිතුරු ඉනිම ක්රීඩා කළ මැලේසියාව පන්දුවාර 4.5 කදී කඩුලු 2 ක් දැවී ජයග්රාහී ඉලක්කය පසු කළා.
