පාකිස්තානය සමග හෙට(24) කොළඹ දී ආරම්භ වීමට නියමිත දෙවැනි ටෙස්ට් ක්රිකට් තරගයේ දී වෙනස්කම් දෙකක් පමණ ශ්රී ලංකා කණ්ඩායමට සිදු කිරීමට අවධානය යොමු කර ඇති බව ශ්රී ලංකා කණ්ඩායමේ ප්රධාන පුහුණුකරු ක්රිස් සිල්වර්වුඩ් පවසනවා.
හෙට තරගය සම්බන්ධයෙන් දැනුවත් කිරීම සදහා කොළඹ දී අද පැවැති මාධ්ය හමුවකදී අදහස් දක්වමින් ඔහු ඒ බව සදහන් කළා.
කෙසේ වෙතත්, සිදු වන වෙනස්කම් සම්බන්ධයෙන් ශ්රී ලංකා පුහුුණුකරු වැඩිදුර තොරතුරු මෙහිදී අනාවරණය කළේ නැහැ.
ශ්රී ලංකා ක්රිකට් ආයතනය අද නිවේදනය කළේ ඩෙංගු රෝගය වැළදීම හේතුවෙන් පළමු ටෙස්ට් තරගය ක්රීඩා කිරීමට නොහැකි වූ වේග පන්දු යවන ක්රීඩක අසිත ප්රනාන්දු දෙවැනි ටෙස්ට් තරගය සදහා වන ශ්රී ලංකා සංචිතයට ඇතුළත් කර ඇති බවයි.
- Also Read : දෙවැනි ටෙස්ට් තරගයට ශ්රී ලංකා සංචිතයට වෙනසක්
ශ්රී ලංකාව හා පාකිස්තානය අතර පැවැත්වෙන තරග දෙකකින් යුත් ටෙස්ට් ක්රිකට් තරගාවලියේ පළමු තරගයෙන් පාකිස්තානය කඩුලු 4 ක ජයක් වාර්තා කළ අතර, දෙවැනි තරගය හෙට (24) කොළඹ එස්.එස්.සී ක්රීඩාංගනයේ දී ආරම්භ වීමට නියමිතයි.
පළමු ටෙස්ට් තරගයේ දී ශ්රී ලංකා කණ්ඩායමේ පන්දු රැකීම දුර්වල මට්ටමක පැවැති අතර, ඒ අනුව ඒ සම්බන්ධයෙන් ද මේ වන විට වැඩි අවධානයක් යොමු කර ඇති බවයි ශ්රී ලංකා කණ්ඩායමේ ප්රධාන පුහුණුකරු ක්රිස් සිල්වර්වුඩ් සදහන් කළේ.
