එංගලන්තය හා ඔස්ට්රේලියාව අතර අද(16) බර්මිංහැම් හී දී ආරම්භ වූ පළමු අළුබදුන ටෙස්ට් ක්රිකට් තරගයේ දී අවාසනාවන්ත දැවී යාමකට හසු වීමට එංගලන්ත පිතිකරු හැරී බෘෘක්ට සිදු වුණා.
තරගයේ කාසියේ වාසිය දිනූ එංගලන්තය පළමුවෙන් පන්දුවට පහර දීමටයි තීරණය කළේ.
එංගලන්ත ඉනිමේ සිව්වැනි කඩුල්ල ලෙස බෘෘක් දැවී ගියේ පන්දු 37 කින් ලකුණු 32 ක් ලබා සිටියදී යි.
නේදන් ලයන්ගේ පන්දුවක් කඩුල්ලේ වැදීම හේතුවෙන් හැරී බෘෘක් දැවී ගියා.
ලයන් යොමු කළ පන්දුව පළමුව බෘෘක්ගේ පාදයේ වැදුණු අතර, අනතුරුව පන්දුව ඉහළට ඇදී ගියා. ඔස්ට්රේලියානු ක්රීඩකයින් එය උඩ පන්දුවක් යැයි සිතා රැක ගැනීම සදහා ද උත්සාහයක නිරත වනු දක්නට ලැබුණා.
කෙසේ වෙතත්, කිසිවෙකුටත් එය රැක ගැනීමට හැකි වූයේ නැහැ. නමුත්, පන්දුව පිතිකරුවා ආසන්නයේම බිම පතිත වූ අතර, අනතුරුව එය කෙළින්ම කඩුල්ල වෙත ඇදී ගියේ හැරී බෘෘක්ට අවාසනාවන්ත අයුරින් සිය ඉනිම අවසන් කිරීමට මග පාදමින්.
දර්ශන පහතින් –
A freak dismissal.
Live clips/Scorecard: https://t.co/TZMO0eJDwY pic.twitter.com/cIUQaANJ2x
— England Cricket (@englandcricket) June 16, 2023
