2023 ලංකා ප්රිමියර් ලීග් ක්රිකට් තරගාවලියේ ක්රීඩක වෙන්දේසිය අද(14) රාත්රී කාලයේ දී කොළඹ ශැන්ග්රි ලා හෝටලයේ දී නිමා වුණා.
පස්වරු 3.00 ට ආරම්භ වූ වෙන්දේසියේ දී ඉහළ මිල ගණන් යටතේ ක්රීඩකයින් රැසක් අලෙවි වූ අතර, වැඩිම මිලකට අලෙවි වූයේ වේග පන්දු යවන ක්රීඩක ඩිල්ෂාන් මදුෂංක. මදුෂංක වෙන්දේසිය සදහා ඉදිරිපත්ව සිටියේ $20,000 ක මූලික වටිනාකමක් යටතේයි.
ඔහුව ජැෆ්නා කිංග්ස් කණ්ඩායම විසින් ඇමෙරිකානු ඩොලර් 92,000 ක මුදලකට එනම් රුපියල් කෝටි 2.9 ක මුදලකටයි මිලදී ගත්තේ.
වෙන්දේසියේ දී දෙවැනි වැඩිම මිලකට අලෙවි වූ ක්රීඩකයා වූයේ චරිත් අසලංක. ඔහුව මිලදී ගත්තේ ජැෆ්නා කිංග්ස් කණ්ඩායමයි. ඇමෙරිකානු ඩොලර් 80,000 කට හෙවත් රුපියල් කෝටි 2.5 ක මිලකට යාපනය කණ්ඩායම ඔහුව මිලදී ගනු ලැබුවා.
ධනංජය ද සිල්වා ඩොලර් 76,000 කට හෙවත් රුපියල් කෝටි 2.4 ක මිලකට මිලදී ගත්තේ දඹුල්ල ඕරා කණ්ඩායම විසින්. එය ක්රීඩකයෙකු මෙම වෙන්දේසියේ දී අලෙවි වූ සම තෙවැනි විශාලතම වටිනාකමයි.
වෙන්දේසියේ දී ඉහළම මිලකට අලෙවි වූ ක්රීඩකයින් 10 දෙනා –
- ඩිල්ෂාන් මදුෂංක (ජැෆ්නා කිංග්ස්) – ඇමෙරිකානු ඩොලර් 92,000
- චරිත් අසලංක (ජැෆ්නා කිංග්ස්) – ඇමෙරිකානු ඩොලර් 80,000
- ධනංජය ද සිල්වා (දඹුල්ල ඕරා) – ඇමෙරිකානු ඩොලර් 76,000
- බිනුර ප්රනාන්දු (දඹුල්ල ඕරා) – ඇමෙරිකානු ඩොලර් 76,000
- දිනේෂ් චන්දිමාල් (බී-ලව් කැන්ඩි) – ඇමෙරිකානු ඩොලර් 72,000
- දුෂ්මන්ත චමීර (බී-ලව් කැන්ඩි) – ඇමෙරිකානු ඩොලර් 70,000
- සධීර සමරවික්රම (දඹුල්ල ඕරා) – ඇමෙරිකානු ඩොලර් 68,000
- කමිදු මෙන්ඩිස් (බී-ලව් කැන්ඩි) – ඇමෙරිකානු ඩොලර් 60,000
- චැඩ් බොවුස් (ගෝල් ටයිටන්ස්) – ඇමෙරිකානු ඩොලර් 58,000
- දුනිත් වෙල්ලාලගේ (ජැෆ්නා කිංග්ස්) – ඇමෙරිකානු ඩොලර් 56,000
