ඉන්දියාව හා ඔස්ට්රේලියාව අතර පැවැත්වෙන අයි.සී.සී ලෝක ටෙස්ට් ශූරතාවලියේ අවසන් මහා තරගයේ තෙවැනි දිනය වන අද(9) දිනයේ දී විශිෂ්ඨ උඩ පන්දුවක් රැක ගැනීමට කැමරන් ග්රීන් සමත් වුණා.
ලන්ඩන් නුවර ඕවල් ක්රීඩාංගනයේ දී පැවැත්වෙන මෙම තරගයේ දී ඉන්දීය පළමු ඉනිමේ දී අජින්කෙයා රහානේගේ කඩුල්ල දවා ගැනීම සදහායි ඔහු මෙම සුපිරි උඩ පන්දුව රැක ගනු ලැබුවේ.
දිනය ආරම්භ වන විට සිය පළමු ඉනිම ක්රීඩා කරමින් සිටි ඉන්දියාව කඩුුලු 5 ක් දැවී ලකුණු 151 ක් ලබා සිටි අතර, අද දිනයේ දෙවැනි පන්දුවෙන්ම කේ එස් භාරත්ගේ කඩුල්ල දවා ගැනීමට ස්කොට් බෝලන්ඩ් සමත් වුණා.
කෙසේ වෙතත්, අනතුරුව 7 වැනි කඩුල්ල සදහා ලකුණු 109 (145) ක සම්බන්ධතාවයක් පිහිටුවීමට අජින්කෙයා රහානේ හා ශර්දුල් තාකූර් සමත් වුණේ ඉන්දියාවට යළි යම් බලාපොරොත්තුවක් එක්කරමින්.
නමුත්, ඔස්ට්රේලියානු පන්දු රකින්නන්ගේ දුර්වල පන්දු රැකීම හේතුවෙන් උඩ පන්දු කිහිපයක්ම ගිලිහී යාම නිසා කඩුලු දවා ගැනීමට තිබූ අවස්ථා කිහිපයක්ම ඔස්ට්රේලියාවට අහිමි වුණා.
අජින්කෙයා රහානේ දැවී යන විට ලබා සිටි ලකුණු සංඛ්යාව 89 ක්. පැට් කමින්ස් යොමු කළ පන්දුවක් හමුවේ ග්රීන් රැක ගත් සුපිරි උඩ පන්දුවක් හේතුවෙනුයි රහානේ දැවී ගියේ.
ඔහු ලකුණු 17 ක් ලබා සිටියදී කඩුල්ල මුවා කිරීමේ වරදට හසු වී දැවී ගිය ද එම පන්දුව නිපන්දුවක් වූ නිසා තවදුරටත් කඩුල්ලේ රැදී සිටීමට රහානේ වාසනාවන්ත වුණා.
රහානේ දැවී ගිය අයුරු පහතින් නරඹන්න –
— CricDaily24 (@cricday96) June 9, 2023
View this post on Instagram
