සංචාරක අයර්ලන්ත කණ්ඩායම හා එංගලන්ත කණ්ඩායම අතර පැවැත්වෙන ටෙස්ට් ක්රිකට් තරගය අද(1) ලන්ඩන් නුවර ලෝඩ්ස් ක්රීඩාංගනයේ දී ආරම්භ වුණා.
පළමු දිනය සදහා තරගය නතර කරන විට සිය පළමු ඉනිම ක්රීඩා කරමින් සිටි එංගලන්තය පන්දුවාර 25 ක් අවසානයේ දී එක් කඩුල්ලක් දැවී ලබා සිටි ලකුණු සංඛ්යාව 152 ක්.
ආරම්භක කඩුල්ල සදහා බෙන් ඩකට් හා සැක් ක්රව්ලි අතරේ ලකුණු 109 ක සම්බන්ධතාවයක් ගොඩ නැගුණු අතර, ක්රව්ලි ලකුණු 56(45) කට දැවී යාමත් සමගයි එම සම්බන්ධතාවය බිද වැටුණේ. Fionn Hand ගේ මංගල ටෙස්ට් කඩුල්ල බවට පත් වෙමින් ඔහු දැවී ගියා.
ඩකට් නොදැවී ලකුණු 60 ක් හා ඔලී පෝප් නොදැවී ලකුණු 29 ක් ලබා කඩුල්ලේ රැදී සිටිනවා.
තරගයේ කාසියේ වාසිය දිනූ එංගලන්ත කණ්ඩායමේ ආරාධනයෙන් පළමුව පන්දුවට පහරදුන් අයර්ලන්තයට ස්ටුවට් බ්රෝඩ් ප්රමුඛ එංගලන්ත පන්දු යවන්නන්ගේ දක්ෂතා හමුවේ සියලු දෙනා දැවී ලබා ගත හැකි වූයේ ලකුණු 172 ක් පමණයි.
ජේම්ස් මැකලම් ලකුණු 36 ක්, කර්ටිස් කැම්පර් ලකුණු 33 ක් හා පෝල් ස්ටර්ලින්ග් ලකුණු 30 ක් රැස් කළා.
පන්දු යැවීමේ දී බ්රෝඩ් කඩුලු 5ක් දවා ගත්තේ ලකුණු 51 ක් ලබා දෙමින්. ජැක් ලීච් කඩුලු 3 ක් ද, මැතිව් පොට්ස් කඩුලු 2 ක් ද බිද හෙලුවා.
