ජූනි මාසයේ දී පැවැත්වීමට නියමිත ඇෆ්ඝනිස්තාන කණ්ඩායමේ බංග්ලාදේශ තරග සංචාරයට අයත්ව තිබූ ටෙස්ට් තරගයක් අවලංගු කිරීමට තීරණය කළ බව බංග්ලාදේශ ක්රිකට් ආයතනය පවසනවා.
පවතින කාර්යයබහුල තරග කාලසටහන සලකා බලා මෙම පියවර ගත් බවයි එරට ක්රිකට් මෙහෙයුම් ප්රධානී ජලාල් යුනුස් මාධ්ය වෙත සදහන් කළේ.
මෙම සංචාරයේ දී ටෙස්ට් තරග 2ක්, එක්දින තරග 3 ක් හා 20යි 20 තරග 3ක් පැවැත්වීමට නියමිතව තිබුණා. කෙසේ වෙතත්, ඉන් එක් ටෙස්ට් තරගයක් අවලංගු කිරීමටයි මේ වන විට තීරණය කර ඇත්තේ.
මෙම වසරේ දී පැවැත්වීමට නියමිත එක්දින ක්රිකට් ලෝක කුසලාන තරගාවලිය සදහා සූදානම් වීමේ අරමුණින් එක්දින තරග පිළිබද වැඩි අවධානයක් යොමු කිරීමට සිදුව තිබීම ද සලකා බලා මෙම පියවර ගත් බව ජලාල් යුනුස් කියා සිටියා.
අවලංගු කෙරුණු ටෙස්ට් තරගය වෙනත් කාලයකදී පැවැත්වීමට ද අවධානය යොමු කරන බවයි ඔහු වැඩිදුරටත් සදහන් කළේ.
