අඛණ්ඩව දෙවැනි වරටත් පාකිස්තාන සුපර් ලීග් ක්රිකට් තරගාවලියේ ශූරතාවය දිනා ගැනීමට ලාහෝර් කලැන්ඩර්ස් කණ්ඩායම සමත් වුණා.
ඒ, මෙවර තරගාවලියේ අවසන් මහා තරගයෙන් මුල්තාන් සුල්තාන්ස් කණ්ඩායම පරදා එක් ලකුණක තියුණු ජයක් වාර්තා කරමින්.
ලාහෝර් හි පැවැති තරගයේ කාසියේ වාසිය දිනා පළමුව පන්දුවට පහරදුන් ලාහෝර් කණ්ඩායම කඩුලු 6 ක් දැවී ලකුණු 200 ක් ලබා ගත්තා.
අබ්දුල්ලාහ් ශෆික් පන්දු 40 කින් ලකුණු 65 ක් රැස් කළ අතර, නායක ශහීන් ශාහ් අෆ්රිඩි පන්දු 15 කින් වේගවත් ලකුණු 44 ක් නොදැවී වාර්තා කළා. ශහීන්ගේ ඉනිමට හයේ පහර 5 ක් හා හතරේ පහර 2 ක් ඇතුළත්.
ෆකාර් සමාන් ලකුණු 39 ක් හා Mirza Baig ලකුණු 30 ක් රැස් කරමින් ලාහෝර් ඉනිම ශක්තිමක් කළා.
පන්දු යැවීමේ දී උසාමා මීර් ලකුණු 24 කට කඩුලු 3 ක් බිද හෙලුවා.
පිළිතුරු ඉනිම ක්රීඩා කළ මුල්තාන් කණ්ඩායමට පන්දුවාර 20 අවසානයේ කඩුලු 8 ක් දැවී ලබා ගත හැකි වූයේ ලකුණු 199 ක් පමණයි.
රයිලි රොසෝව් පන්දු 32 කින් ලකුණු 52 ක් ලබා ගත්තේ හයේ පහර 2ක් හා හතරේ පහර 7ක් සමගින්. නායක මොහමඩ් රිස්වාන් ලකුණු 34 යි. කුෂ්දිල් ශාහ් ලකුණු 25 කට දුවද්දී දැවී ගිය අතර, ටිම් ඩේවිඩ් ලකුණු 20යි.
පන්දු යැවීමේ දී ශහීන් ශාහ් අෆ්රිඩි ලකුණු 51 කට කඩුලු 4 ක් බිද හෙලුවා. රෂීඩ් ඛාන් ලකුණු 26 කට බිද හෙලූ කඩුලු ගණන 2 ක්.
තියුණු අවසානයක් ගත් අවසන් පන්දුවාරය පහතින් නරඹන්න –
𝐃𝐫𝐞𝐚𝐦 𝐟𝐢𝐧𝐚𝐥 𝐨𝐯𝐞𝐫 ✨
Zaman Khan is just built different 🙌#HBLPSL8 | #SabSitarayHumaray | #MSvLQ pic.twitter.com/2V38qNElmg
— PakistanSuperLeague (@thePSLt20) March 18, 2023
𝘽𝙡𝙤𝙘𝙠𝙗𝙪𝙨𝙩𝙚𝙧 𝙛𝙞𝙣𝙞𝙨𝙝! 🤩#HBLPSL8 | #SabSitarayHumaray | #MSvLQ pic.twitter.com/QfKcUSSnhj
— PakistanSuperLeague (@thePSLt20) March 18, 2023
One-run thrillers in T20 finals are a thing of beauty.
Your favourite? #PSL2023 pic.twitter.com/1TfA841d2Z
— ESPNcricinfo (@ESPNcricinfo) March 18, 2023
