නවසීලන්තය හා ශ්රී ලංකාව අතර පැවැත්වෙන දෙවැනි හා අවසන් ටෙස්ට් ක්රිකට් තරගයේ කාසියේ වාසිය දිනා ගැනීමට ශ්රී ලංකා කණ්ඩායම සමත් වුණා.
ඒ අනුව ඔවුන් තරගයේ පළමුවෙන් පන්දු යැවීමටයි තීරණය කළේ.
තරගය වෙලින්ටන් හි Basin Reserve ක්රීඩාංගනයේ දී පැවැත්වෙනවා. අද පෙරවරුවේ සිට පැවැති වැසි සහිත කාළගුණ තත්ත්වය හේතුවෙන් තරගය නියමිත වේලාවට (මෙරට වේලාවෙන් අලුයම 3:30 ට) ආරම්භ කිරීමට හැකි වූයේ නැහැ.
ඒ අනුව මෙරට වේලාවෙන් අලුයම 5.30 ට ලබා ගත යුතු වන දිවා ආහාරය ද අලුයම 5 ට ලබා දීමටයි තීරණය කෙරුණේ.
විනිසුරුවරුන් අවස්ථා කිහිපයකදී පිටිය පරීක්ෂා කිරීමෙන් පසුව තරගය මෙරට වේලාවෙන් පෙරවරු 6:40 ට ආරම්භ කිරීමට තීරණය කළා.
- ALSO READ : ශ්රී ලංකා – නවසීලන්ත දෙවැනි ටෙස්ට් තරගයට වර්ෂාවෙන් බාධා එල්ල වන ලකුණු ; කාළගුණ වාර්තාව මෙන්න
අද තරගය සදහා ශ්රී ලංකා කණ්ඩායමෙන් එක් වෙනස්කමක් සිදු කර තිබෙනවා. ඒ අනුව නිශාන් මදුෂ්ක කණ්ඩායමට කැදවා ඇත්තේ නිරෝෂන් දික්වැල්ල වෙනුවටයි. මෙය නිශාන් මදුෂ්කගේ මංගල ටෙස්ට් තරගය වීම විශේෂත්වයක්.
මේ අතර, ආබාධයකට ලක් වූ නෙයිල් වෑග්නර් වෙනුවට ඩග් බ්රේස්වෙල් අද තරගය වෙනුවෙන් නවසීලන්ත කණ්ඩායම සදහා ආදේශ කිරීමට ද පියවර ගෙන තිබෙනවා.
කණ්ඩායම් දෙක –
New Zealand XI:
Tom Latham, Devon Conway, Kane Williamson, Henry Nicholls, Daryl Mitchell, Tom Blundell(wk), Michael Bracewell, Doug Bracewell, Tim Southee(c), Matt Henry, Blair Tickner
Sri Lanka XI:
Oshada Fernando, Dimuth Karunaratne(c), Kusal Mendis, Angelo Mathews, Dinesh Chandimal, Dhananjaya de Silva, Nishan Madushka(wk), Kasun Rajitha, Prabath Jayasuriya, Lahiru Kumara, Asitha Fernando
