සංචාරක බටහිර ඉන්දීය කොදෙව් කණ්ඩායම සමග සෙන්චූරියන් හී දී පැවැති පළමු ටෙස්ට් ක්රිකට් තරගයෙන් ලකුණු 87 ක ජයක් වාර්තා කිරීමට දකුණු අප්රිකා කණ්ඩායම අද(2) සමත් වුණා.
තරගය ජය ගැනීම සදහා දෙවැනි ඉනිමේ දී කොදෙව්වන්ට ලකුණු 247 ක ඉලක්කයක් හිමි වුවද, ඔවුන්ට සියලු දෙනා දැවී ලබා ගත හැකි වූයේ ලකුණු 159 ක් පමණයි.
ජර්මයින් බ්ලැක්වුඩ් පන්දු 93 කින් ලකුණු 79 ක් රැස් කළා. පන්දු යැවීමේ දී කාගිසෝ රබාඩා ලකුණු 50 කට කඩුලු 6 ක් දවා ගත්තා.
තරගයේ පළමුව පන්දුවට පහරදුන් දකුණු අප්රිකාව සියලු දෙනා දැවී ලකුණු 342 ක් රැස් කළ අතර, පිළිතුරු ලෙස කොදෙව්වන් ලබා ගත්තේ ලකුණු 212 ක් පමණයි.
අනතුරුව සිය දෙවැනි ඉනිම ක්රීඩා කළ දකුණු අප්රිකාව තරගයේ තෙවැනි දිනය වූ අද දිනයට තරගය ආරම්භ කරන විට කඩුලු 4 ක් දැවී ලබා සිටි ලකුණු සංඛ්යාව 49 ක්. ඔවුන්ගේ ඉනිමේ සියලු දෙනා ලකුණු 116 කට දැවී ගියා.
ඒඩ්න් මාක්රම් ලකුණු 47 යි. පළමු ඉනිමේ දී ඔහු ලකුණු 115 ක් ලබා ගත් අතර, තරගයේ වීරයා සම්මානයෙන් ද ඔහු පිදුම් ලැබුවා. පන්දු යැවීමේ දී කෙමා රෝච් ලකුණු 47 කට කඩුලු 5 ක් බිද හෙලුවා.
ඒ අනුව දෙරට අතර පැවැත්වෙන තරග 2කින් යුත් ටෙස්ට් තරගාවලිය මේ වන විට තරග 1-0 ක් ලෙස පෙරමුණ ගෙන සිටින්නේ දකුණු අප්රිකාවයි.
