පාකිස්තාන සුපර් ලීග් ක්රිකට් තරගාවලියේ 15 වැනි තරගයේ දී සුපිරි පන්දුවක් යොමු කරමින් පෙෂාවර් සල්මි කණ්ඩායමේ නායක බබාර් අසාම්ගේ කඩුල්ල දවා ගැනීමට ලාහෝර් කලැන්ඩර්ස් කණ්ඩායමේ නායක හා වේග පන්දු යවන ක්රීඩක ශහීන් ශාහ් අෆ්රිඩි ඊයේ (26) රාත්රියේ සමත් වුණා.
ලාහෝර්හී දී පැවැති මෙම තරගයේ පළමුව පන්දුවට පහරදුන් ලාහෝර් කණ්ඩායම කඩුලු 3 ක් දැවී ලකුණු 241 ක් ලබා ගත්තා.
ෆකාර් සමාන් පන්දු 45 කින් රැස් කළ ලකුණු සංඛ්යාව 96 ක්. ඔහුගේ ඉනිමට හයේ පහර 10 ක් ඇතුළත්. අබ්දුල්ලාහ් ශෆික් පන්දු 41 කින් ලකුණු 75 ක් ලබා ගත්තා.
පිළිතුරු ඉනිම ක්රීඩා කළ පෙෂාවර් කණ්ඩායමට පන්දුවාර 20 තුළ කඩුලු 9ක් දැවී ලබා ගත හැකි වූයේ ලකුණු 201 ක් පමණයි. ටොම් කොහ්ල-කැඩ්මෝර් පන්දු 23 කින් වේගවත් ලකුණු 55 ක් ද, සයිම් අයුබ් පන්දු 34 කින් ලකුණු 51 ක් ද රැස් කළා. භානුක රාජපක්ෂ ලකුණු 24(14) කට දැවී ගියා.
සුපිරි පන්දු යැවීමක නිරත වූ ශහීන් ශාහ් අෆ්රිඩි ලකුණු 40 කට කඩුලු 5 ක් දවා ගැනීම විශේෂත්වයක්. ඔහු විසින් බාබර් අසාම්ගේ කඩුල්ල දවා ගත්තේ ඉනිමේ තෙවැනි පන්දුවාරයේ දී යි. (දර්ශන පහතින්) ඒ වන විට බාබර් රැස් කර ගෙන සිටියේ ලකුණු 7 ක් පමණයි.
.@iShaheenAfridi is 🔛 fire ❤️🔥
The perfect delivery to dismiss @babarazam258 ✨#HBLPSL8 | #SabSitarayHumaray | #LQvPZ pic.twitter.com/pHEIYuR9sl
— PakistanSuperLeague (@thePSLt20) February 26, 2023
