දකුණු අප්රිකාවේ පැවැත්වෙන කාන්තා පන්දුවාර 20යි 20 ලෝක කුසලාන ක්රිකට් තරගාවලියේ 5 වැනි තරගයේ දී ශ්රී ලංකා ක්රීඩිකා සුගන්දිකා කුමාරි විශිෂ්ඨ පන්දු රැකීමක නිරත වෙමින් ප්රතිවාදී බංග්ලාදේශ කණ්ඩායමේ පිතිකාරිණියක් දුවද්දී දවා ගැනීමට සමත් වුණා.
කේප් ටවුන් හී දී ආරම්භ වූ මෙම තරගයේ කාසියේ වාසිය දිනූ බංග්ලාදේශය පළමුව පන්දුවට පහර දීමට තීරණය කළ අතර, ඔවුන් නියමිත පන්දුවාර 20 තුළ කඩුලු 8 ක් දැවී ලකුණු 126 ක් රැස් කළා.
Sobhana Mostary ලකුණු 29 ක් ද, Nigar Sultana ලකුණු 28 ක් ද, Shamima Sultana ලකුණු 20 ක් ද ලබා ගත්තා.
පන්දු යැවීමේ දී ඕෂදී රණසිංහ කඩුලු 3 ක් දවා ගත්තේ ලකුණු 23 ක් ප්රතිවාදීන්ට ලබා දෙමින්. චමරි අතපත්තු ලකුණු 19 කට කඩුලු 2ක් බිද හෙලුවා.
මෙම ඉනිමේ දී දුවද්දී දවා ගැනීම් දෙකක් වාර්තා වූ අතර, බොහෝ දෙනෙකුගේ වැඩි අවධානයක් යොමු වූයේ සුගන්දිකා කුමාරි විසින් Ritu Moni ගේ කඩුල්ල දවා ගැනීමට දැක් වූ සුපිරි පන්දු රැකීමයි.
පන්දු රකින්නිය පන්දුව කඩුලු රකින්නියගේ අන්තයට යොමු කරන්නට ඇති බවට දැවී ගිය පිතිකාරිණිය විසින් වැරැදියට අනුමාන කිරීම මෙම දැවී යාමට හේතු වුණා. (දර්ශන පහතින්)
— CricDaily24 (@cricday96) February 12, 2023
