ශ්රී ලංකා ක්රිකට් කණ්ඩායමේ එළඹෙන නවසීලන්ත තරග සංචාරය ආරම්භ වීමට තවත් ඉතිරිව ඇත්තේ මාසයක පමණ කාලයක්.
මෙම තරග සංචාරය සදහා ටෙස්ට් තරග දෙකක්, එක්දින තරග 3ක් හා 20යි 20 තරග 3 ක් ඇතුළත්.
ටෙස්ට් තරගාවලිය ලෝක ටෙස්ට් ශූරතාවලිය යටතට ද අයත් වන අතර, ටෙස්ට් ශූරතාවලියේ අවසන් මහා තරගයට සුදුසුකම් ලබා ගැනීමටනම් එම තරගාවලියේ ජය ශ්රී ලංකා කණ්ඩායමට අතිශය වැදගත් වනවා.
මාර්තු 9 වැනිදා තරග සංචාරය ආරම්භ කරමින් තරග 2කින් යුත් ටෙස්ට් තරගාවලියේ පළමු තරගය ආරම්භ වීමට නියමිතයි.
ක්රයිස්චර්ච් හී දී එම තරගය පැවැත්වෙන අතර, මාර්තු 17 වැනිදා ආරම්භ වන දෙවැනි ටෙස්ට් තරගය පැවැත්වෙන්නේ වෙලින්ටන් හී දී යි.
මාර්තු 25 වැනිදා ආරම්භ වන එක්දින තරගාවලිය ඔක්ලන්ඩ්, ක්රයිස්චර්ච් හා හැමිල්ටන් හී දී පැවැත්වීමට නියමිතයි.
20යි 20 තරගාවලිය අප්රේල් දෙවැනිදා ඔක්ලන්ඩ් හී දී ආරම්භ වන අතර, දෙවැනි හා තෙවැනි 20යි 20 තරග පිළිවෙලින් ඩුනේඩින් හී දී හා ක්වීන්ස්ටවුන් හී දී පැවැත්වීමට නියමිතව තිබෙනවා.
මෙම තරග සංචාරයේ මෙරට දේශීය රූපවාහිනී විකාශන අයිතිය හිමි කර ගැනීමට සමත්ව ඇත්තේ Supreme TV නාලිකාවයි.
නවසීලන්ත තරග සංචාරයට අදාළ කිසිදු තරගයක් කිසිඳු ඉන්දියානු රූපවාහිනී නාලිකාවක් ඔස්සේ විකාශය වන්නේ නැහැ.
