සංචාරක බටහිර ඉන්දීය කොදෙව් කණ්ඩායම සමග පැවැති දෙවැනි ටෙස්ට් ක්රිකට් තරගයෙන් ලකුණු 419 ක දැවැන්ත ජයක් වාර්තා කරමින් තරග 2 කින් යුත් ටෙස්ට් ක්රිකට් තරගාවලිය තරග 2-0 ක් ලෙස ජය ගැනීමට ඔස්ට්රේලියානු කණ්ඩායම අද(11) සමත් වුණා.
ඇඩිලේඩ්හී දී දිවා රාත්රී තරගයක් ලෙස පැවැති දෙවැනි ටෙස්ට් තරගය ජය ගැනීම සදහා ලකුණු 497 ක දැවැන්ත ඉලක්කයක් හඹා ගිය කොදෙව්වන්ට තරගයේ සිව්වැනි දිනය වූ අද දිනයේ දී සිය දෙවැනි ඉනිමේ දී සියලු දෙනා දැවී ලබා ගත හැකි වූයේ ලකුණු 77 ක් පමණයි.
ටගෙනරීන් චන්දර්පෝල් ලකුණු 17 ක් ද, ජොෂුවා ද සිල්වා ලකුණු 15 ක් ද, රොස්ටන් චේස් ලකුණු 13 ක් ද රැස් කළා.
පන්දු යැවීමේ දී මිචෙල් ස්ටක්, මයිකල් නෙසර් හා ස්කොට් බෝලන්ඩ් කඩුලු 3 බැගින් බිද හෙලුවා.
තරගයේ පළමුව පන්දුවට පහරදුන් ඔස්ට්රේලියාව කඩුලු 7 ක් දැවී ලකුණු 511 ක් ලබා සිටියදී සිය පළමු ඉනිම අත්හිටුවූ අතර, පිළිතුරු ලෙස කොදෙව්වන් ලබා ගත් ලකුණු සංඛ්යාව 214 ක්.
අනතුරුව ඔස්ට්රේලියාව කඩුලු 6 ක් දැවී ලකුණු 199 ක් ලබා සිටියදී සිය දෙවැනි ඉනිම අත්හිටුවීමට තීරණය කළා.
ඔස්ට්රේලියානු පළමු ඉනිමේ දී ලකුණු 175 ක් හා දෙවැනි ඉනිමේ දී නොදැවී ලකුණු 38 ක් වාර්තා කළ ට්රැවිස් හෙඩ් තරගයේ වීරයා සම්මානයෙන් පිදුම් ලැබුවා.
ටෙස්ට් තරගාවලියේ දී ද්විත්ව ශතකයක් හා ශතක දෙකක් වාර්තා කළ මර්නස් ලබුෂේන් තරගාවලියේ වීරයා සම්මානයෙන් පිදුම් ලැබුවා.
Stumps EVERYWHERE!
Mitchell Starc emphatically cleans up Jason Holder! #PlayOfTheDay #AUSvWI | @nrmainsurance pic.twitter.com/JaZ4PCxmSh
— cricket.com.au (@cricketcomau) December 11, 2022
