අයි.සී.සී ලෝක ටෙස්ට් ශූරතාවලියේ අවසන් මහා තරගයට පිවිසීමට පාකිස්තානයට ඇති අවස්ථාව මේ වන විට බොහෝ දුරට සීමා වී තිබෙනවා.
ඒ, එංගලන්තය සමග රාවල්පින්ඩි හී දී පැවැති පළමු ටෙස්ට් ක්රිකට් තරගයෙන් පාකිස්තානය ලකුණු 74 ක පරාජයක් ලැබීමත් සමගයි.
තරගය ජය ගැනීම සදහා ලකුණු 343 ක ඉලක්කයක් හඹා ගිය පාකිස්තානයට සිය දෙවැනි ඉනිමේ දී සියලු දෙනා දැවී ලබා ගත හැකි වූයේ ලකුණු 268 ක් පමණයි.
තරගය ආරම්භ වීමට පෙර ප්රසාද ලකුණු සටහනේ පස්වැනි ස්ථානයේ පසු වූ පාකිස්තානයට අවසන් මහා තරගයට සුදුසුකම් ලබා ගැනීම සදහා මනා අවස්ථාවක් නිර්මාණය වී තිබුණේ ඔවුන්ට සිය රටේ දී ටෙස්ට් තරගාවලි ද්විත්වයක් එංගලන්තයට හා නවසීලන්තයට එරෙහිව ක්රීඩා කිරීමට නියමිතව තිබූ බැවින්.
කෙසේ වෙතත්, පළමු ටෙස්ට් තරගයෙන් ලැබූ පරාජයත් සමග මේ වන විට එම අවස්ථාව බොහෝ දුරට සීමා වී ඇති බවක් දක්නට ලැබෙනවා.
නවතම ප්රසාද ලකුණු සටහන –
