සංචාරක පාකිස්තාන කණ්ඩායම සහ එංගලන්ත කණ්ඩායම අතර පැවැත්වෙන තෙවැනි ටෙස්ට් ක්රිකට් තරගයේ ආරම්භක වේලාව අවශ්ය වුවහොත් සංශෝදනය කිරීම සදහා තීරණය කර තිබෙනවා.
ජගත් ක්රිකට් කවුන්සලය සමග ඒ සදහා එකගතාවයකට එළඹුණු බවයි එංගලන්ත ක්රිකට් ආයතනය සදහන් කළේ.
ඒ අනුව තෙවැනි තරගයට වර්ෂාවෙන් බාධා එල්ල වුවහොත් දෙවැනි දිනයේ සිට තරගය නියමිත කාලයට පෙර ආරම්භ කිරීමට කටයුතු කෙරෙණු ඇති.
මෙතෙක් සියලු ටෙස්ට් තරග සෑම දිනකම එරට වේලාවෙන් පෙරවරු 11ටයි ආරම්භ කෙරුණේ.
කෙසේ වෙතත්, හෙට ආරම්භ වන තෙවැනි ටෙස්ට් තරගය සදහා වර්ෂාවෙන් බාධා එල්ල වුවහොත් දෙවැනි දිනයේ සිට තරගය පෙරවරු 10.30ට ආරම්භ කිරීමටයි මේ වන විට තීරණය කර ඇත්තේ.
දෙරට අතර පැවැති දෙවැනි ටෙස්ට් තරගය සදහා වර්ෂාවෙන් දැඩි බලපෑම් එල්ල වීම හේතුවෙන් ක්රීඩා කිරීමට හැකි වූයේ පන්දුවාර 134.3ක් පමණයි.
ඒ හේතුවෙනුයි ජගත් ක්රිකට් කවුන්සලය සහ එංගලන්ත ක්රිකට් ආයතනය මෙම තීරණයට එළඹ ඇත්තේ.
දෙරට අතර පැවැත්වෙන තෙවැනි ටෙස්ට් ක්රිකට් තරගය හෙට(21) සවුත්හැම්ටන් හී දී ආරම්භ වීමට නියමිතයි.
