එළඹෙන පන්දුවාර 20යි 20 ලෝක කුසලාන ක්රිකට් තරගාවලිය වෙනුවෙන් ක්රීඩා කරන ක්රීඩකයින් වෙනුවෙන් පුහුණු කදවුරක් ලබන 25 වැනිදා සිට මහනුවර දී පැවැත්වීමට ශ්රී ලංකා ක්රිකට් ආයතනය කටයුතු යොදා තිබෙනවා.
සතියක කාලයක් එම කදවුර පැවැත්වීමට කටයුතු කරන බවයි ශ්රී ලංකා ක්රිකට් ආයතනයේ සභාපති ශම්මි සිල්වා මහතා අද(15) පැවැති මාධ්ය හමුවකදී සදහන් කළේ.
පුහුණු කදවුර සදහා ශ්රී ලංකා හිටපු සුපිරි වේග පන්දු යවන ක්රීඩක ලසිත් මාලිංගගේ සේවය ද ලබා ගැනීමට නියමිතයි.
මේ අතර, ශ්රී ලංකා ක්රිකට් උපදේශක පුහුණුකරු මහේල ජයවර්ධන මහතා එළඹෙන පන්දුවාර 20යි 20 ලෝක කුසලාන ක්රිකට් තරගාවලියේ දී ශ්රී ලංකා කණ්ඩායම සමග ඔස්ට්රේලියාවේ රැදී සිටින බව මෙම මාධ්ය හමුවේ දී ශ්රී ලංකා ක්රිකට් ආයතනයේ ප්රධාන විධායක නිළධාරී ඈෂ්ලි ද සිල්වා මහතා සදහන් කළා.
ශ්රී ලංකා කණ්ඩායම ලබන දෙවැනිදා දිවයිනෙන් පිටත්ව යන බවත්, මහේල ජයවර්ධන මහතා ලබන 6 වැනිදා දිවයිනෙන් පිටත්ව යාමට නියමිතව ඇති බවත් ඔහු කියා සිටියා.
මේ අතර, ලෝක කුසලානය සදහා වන ශ්රී ලංකා සංචිතයට මෙතෙක් ලිඛිත අනුමැතිය ක්රීඩා අමාත්යංශයෙන් ලැබී නොමැති බවත්, අනුමැතිය ලද සැණින් එය නිවේදනය කරන බවත් ශ්රී ලංකා ක්රිකට් ආයතනය සදහන් කළා.
කෙසේ වෙතත්, ශ්රී ලංකා සංචිතය සදහා මේ වන විටත් ක්රීඩා අමාත්යවරයාගේ අනුමැතිය හිමිව තිබෙනවා.
මේ අතර, ආබාධ හේතුවෙන් නිමා වූ ආසියානු කුසලාන තරගාවලිය සදහා ක්රීඩා කිරීමට නොහැකි වූ දුෂ්මන්ත චමීර, ලහිරු කුමාර හා බිනුර ප්රනාන්දු යන ක්රීඩකයින් එළඹෙන 20යි 20 ලෝක කුසලානය සදහා යොදා ගැනීමට අපේක්ෂාවෙන් පසුවන බව අද පැවැති මාධ්ය හමුවේ දී ශ්රී ලංකා නායක දසුන් ශානක කියා සිටියා.
මෙවර පන්දුවාර 20යි 20 ලෝක කුසලාන ක්රිකට් තරගාවලිය ඔක්තෝබර් 16 වැනිදා ඔස්ට්රේලියාවේ දී ආරම්භ වීමට නියමිතව තිබෙනවා.
