එංගලන්ත කඩුලු රකින ක්රීඩක බෙන් ෆෝක්ස්ට කොවිඩ් 19 ආසාදනය වී තිබෙනවා.
ඒ හේතුවෙන් ඔහුට මේ දිනවල ලීඩ්ස් හී දී නවසීලන්තයට එරෙහිව පැවැත්වෙන තෙවැනි ටෙස්ට් ක්රිකට් තරගයේ අවසන් දින දෙක සදහා ක්රීඩා කිරීමට හැකි වන්නේ නැහැ.
බෙන් ෆෝක්ස් වෙනුවට සෑම් බිලින්ග්ස් කොවිඩ් ක්රීඩක ආදේශ කිරීම් යටතේ කණ්ඩායමට ඇතුළත් කිරීමට එංගලන්ත ක්රිකට් කණ්ඩායමේ කළමනාකාරීත්වය පියවර ගෙන තිබෙනවා.
පිට කොන්ද ආශ්රිත අපහසුතාවයක් හේතුවෙන් බෙන් ෆෝක්ස් තරගයේ තෙවැනි දිනය වූ ඊයේ දිනයේ දී කඩුලු රැකීමේ කාර්යය ද සිදු කර තිබුණේ නැහැ.
පසුව සිදු කෙරුණු වෛද්ය පරීක්ෂණයකදී අනාවරණය වී ඇත්තේ ඔහුට කොවිඩ් 19 ආසාදනය වී ඇති බවයි.
ඔහු කණ්ඩායම හා යළි එක්වන දිනයක් සම්බන්ධයෙන් මෙතෙක් නිවේදනය කර නැතත්, ලබන සිකුරාදා Edgbaston ක්රීඩාංගනයේ දී ඉන්දියාව සමග ආරම්භ වන ටෙස්ට් තරගය සදහා ඔහුට ක්රීඩා කිරීමට හැකි වනු ඇති බවටයි විශ්වාස කෙරෙන්නේ.
මේ අතර, මෙම ටෙස්ට් තරගය අතරතුර දී ශ්රී ලංකා හිටපු ක්රිකට් ක්රීඩක කුමාර් සංගක්කාර පන්දුවේ දෝලනයට පිතිකරුවන් ක්රීඩා කළ යුතු ආකාරය පැහැදිලි කරන වීඩියෝවක් Sky Sports මාධ්ය ආයතනය විසින් සිය සමාජ මාධ්ය ගිණුම්වල පල කර තිබෙනවා.
එම වීඩියෝව පහතින් –
“Put the speed up, put the swing up!” 😂
Kumar Sangakkara with a masterclass on how to face swing! 🏏 pic.twitter.com/j2RvcwXcrH
— Sky Sports Cricket (@SkyCricket) June 26, 2022
