ශ්රී ලංකා මැදපෙල පිතිකරුවෙකු වන රොෂේන් සිල්වාට එළඹෙන බංග්ලාදේශ තරග සංචාරය ද අහිමි වනු ඇති බව වාර්තා වනවා.
නිමා වූ ජාතික සුපිරි ලීගයේ සිව්දින තරගාවලියේ දී පිත්තෙන් ඉහළ දක්ෂතා දැක් වීමට රොෂේන් සිල්වා සමත් වුණා.
ඒ අනුව බංග්ලාදේශයට එරෙහි ටෙස්ට් තරගාවලිය සදහා ඔහු යළි ජාතික සංචිතයට කැදවීමට පියවර ගෙන තිබූ බවයි වාර්තා වුණේ.
කෙසේ වෙතත්, ඔහුට අවසන් ක්රීඩකයින් 11 දෙනා අතරට පිවිසීමට අවස්ථාවක් මෙම සංචාරයේ දී හෝ ලැබේවිදැයි ඇත්තේ ප්රශ්නාර්ථයක්.
එම ගැටලුව ද පදනම් කර ගනිමින් ඔහු මේ වන විට එංගලන්තයේ ලැන්කෂයර් ප්රාන්ත ක්රිකට් ලීගය වෙනුවෙන් ගිවිසුම් ගතව ඇති බව සදහන්.
ඒ අනුව රොෂේන් සිල්වා වෙනුවට නිමා වූ ජාතික සුපිරි ලීගයේ සිව්දින තරගාවලියේ වැඩිම ලකුණුලාභියා වූ කමිදු මෙන්ඩිස් බංග්ලාදේශයට එරෙහි තරග 2කින් යුත් ටෙස්ට් තරගාවලිය සදහා කැදවා ඇති බවටයි වාර්තා පල වන්නේ.
33 හැවිරිදි රොෂේන් සිල්වා ශ්රී ලංකාව වෙනුවෙන් ටෙස්ට් තරග 12ක් ක්රීඩා කර තිබූ අතර, එහිදී ලබා ගෙන තිබූ ලකුණු සංඛ්යාව 702ක්.
ශතකයක් හා අර්ධ ශතක 5ක් ඊට ඇතුළත්.
