දෝනි නායකත්වයෙන් ඉවත් වෙයි ; CSK පිලට නව නායකයෙක්

චෙන්නායි සුපර් කිංග්ස් කණ්ඩායමේ නායක මහේන්ද්‍ර සිං දෝනි නායකත්වයෙන් ඉවත් වීමට තීරණය කර තිබෙනවා.

ඒ අනුව එළඹෙන 26 වනදා ආරම්භ වන මෙවර ඉන්දීය ප්‍රිමියර් ලීග් ක්‍රිකට් තරගාවලියේ දී චෙන්නායි කණ්ඩායම මෙහෙයවීමේ වගකීම පැවරී ඇත්තේ රවීන්ද්‍ර ජඩේජාටයි.

දෝනි අයි.පී.එල් තරගාවලිය 2008 වසරේදී ආරම්භ වූ දා සිට මේ දක්වා චෙන්නායි සුපර් කිංග්ස් කණ්ඩායමේ නායකයා ලෙස කටයුතු කළා.

ඔහුගේ නායකත්වය යටතේ සුපර් කිංග්ස් කණ්ඩායම සිව්වරක් අයි.පී.එල් ශූරතාවය දිනා ගැනීමට සමත් වුණා.