සංචාරක ඔස්ට්රේලියානු කණ්ඩායම හා පාකිස්තාන කණ්ඩායම අතර පැවැත්වෙන තෙවැනි හා අවසන් ටෙස්ට් ක්රිකට් තරගයේ තෙවැනි දිනය අද(23) නිමා වුණේ තරගයේ වැඩි වාසි ඔස්ට්රේලියාවට හිමි කර දෙමින්.
දිනය නිමා වන විට සිය දෙවැනි ඉනිම ක්රීඩා කරමින් සිටි ඔස්ට්රේලියාව කිසිදු කඩුල්ලක් නොදැවී ලකුණු 11ක් ලබා සිටියා.
ඒ අනුව ඔස්ට්රේලියාව දෙවැනි ඉනිමේ දී මේ වන විට ඉදිරියෙන් පසුවන ලකුණු සංඛ්යාව 134ක්.
දිනය ආරම්භ කරන විට සිය පළමු ඉනිම ක්රීඩා කරමින් සිටි පාකිස්තානය එක් කඩුල්ලක් දැවී ලකුණු 90ක් ලබා සිටි නමුත්, ඔවුන්ට අද දිනයේ දී සියලු දෙනා දැවී රැස් කර ගත හැකි වූයේ ලකුණු 268ක් පමණයි.
අබ්දුල්ලා ශෆික් ලකුණු 81ක්, අසාර් අලී ලකුණු 78ක් හා නායක බබාර් අසාම් ලකුණු 67ක් රැස් කරමින් පාකිස්තාන ඉනිම ශක්තිමත් කළා.
කෙසේ වෙතත්, පාකිස්තාන ඉනිමේ අවසන් කඩුලු 7 ලකුණු 20ක් තුළ බිද වැටීම කැපී පෙනුණා.
පන්දු යැවීමේ දී පැට් කමින්ස් කඩුලු 5 ක් දවා ගත් අතර, මිචෙල් ස්ටක් කඩුලු 4ක් බිද හෙලුවා.
ලාහෝර්හි පැවැත්වෙන තරගයේ පළමුව පන්දුවට පහරදුන් ඔස්ට්රේලියාව සියලු දෙනා දැවී රැස් කළ ලකුණු සංඛ්යාව 391 ක්.
Starc gets Fawad! #BoysReadyHain l #PAKvAUS pic.twitter.com/hsVmXXMK0v
— Pakistan Cricket (@TheRealPCB) March 23, 2022
What a way to conclude the day 😄 #BoysReadyHain l #PAKvAUS pic.twitter.com/FafG8lkVTT
— Pakistan Cricket (@TheRealPCB) March 23, 2022
