ඉන්දීය පිතිකරු මයාන්ක් අගාර්වල් ශ්රී ලංකාවට එරෙහි 20යි 20 තරගාවලියේ අවසන් තරග 2 සදහා වන ඉන්දීය සංචිතයට කැදවා තිබෙනවා.
දකුණු අතෙහි මැණික්කටුව ප්රදේශයේ ඇතිව තිබෙන ආබාධයක් හේතුවෙන් රුටුරාජ් ගයික්වඩ්ට ඉදිරි 20යි 20 තරග දෙක අහිමි වන බැවින් මෙම ක්රීඩක ආදේශ කිරීම සිදු කිරීමටයි ඉන්දීය තේරීම් කමිටුව පියවර ගෙන ඇත්තේ.
එම ආබාධය නිසා ඔහු ඊයේ නිමා වූ පළමු 20යි 20 තරගය සදහා ද ක්රීඩා කළේ නැහැ.
ඉන්දීය ටෙස්ට් ක්රීඩකයින් මේ වන විට ජෛව ආරක්ෂිත බුබුලක රැදී සිටින අතර, මයාන්ක් අගාර්වල් ද එම ක්රීඩකයින් අතරට ඇතුළත්ව සිටියා.
ඒ හේතුවෙන් ඔහුව ඉතා පහසුවෙන් ජෛව ආරක්ෂිත බුබුලකින් තවත් බුබුලකට මාරු කිරීමේ අවස්ථාව ඉන්දීය ක්රිකට් බළධාරීන්ට උදා වුණා.
දෙරට අතර පැවැත්වෙන දෙවැනි හා තෙවැනි 20යි 20 තරග හෙට(26) හා අනිද්දා(27) යන දිනවලදී ධරම්ශාලා හී දී පැවැත්වීමට නියමිතයි.
මීට පෙර දීපක් චහාර්ට හා සූර්යකුමාර් යාදෙව්ට ද ආබාධ හේතුවෙන් ශ්රී ලංකාවට එරෙහි 20යි 20 තරගාවලියට ක්රීඩා කිරීමේ අවස්ථාව අහිමි වුණා.
