ජාතික සුපර් ලීග් එක්දින ක්රිකට් තරගාවලියේ අවසන් මහා තරගය සදහා සුදුසුකම් ලබා ගැනීමට මහනුවර කණ්ඩායම අද(10) සමත් වුණා.
ඒ, අද(10) පැවැති තරගාවලියේ 15 වැනි තරගයෙන් කොළඹ කණ්ඩායම පරදා කඩුලු 6ක ජයක් වාර්තා කිරීමත් සමගයි.
මහනුවර පල්ලේකැලේ ක්රීඩාංගනයේ පැවැති තරගයේ පළමුව පන්දුවට පහරදුන් කොළඹ කණ්ඩායම පන්දුවාර 49.3 ක් අවසානයේ සියලු දෙනා දැවී ලකුණු 271ක් ලබා ගත්තා.
අඛණ්ඩව සිය දෙවැනි ශතකය ද වාර්තා කළ නුවනිදු ප්රනාන්දු ලකුණු 112 ක් රැස් කළ අතර, සම්මු අශාන් ලකුණු 62කට දැවී ගියා.
පන්දු යැවීමේ දී අසිත ප්රනාන්දු හා පුලින තරංග කඩුලු 3 බැගින් බිද හෙලුවා.
පිළිතුරු ඉනිම ක්රීඩා කළ මහනුවර කණ්ඩායම පන්දුවාර 48.5 ක් අවසානයේ කඩුලු 4ක් දැවී ජයග්රාහී ඉලක්කය පසු කළා.(272/4)
ඕෂද ප්රනාන්දු නොදැවී ලකුණු 85ක් හා සහන් ආරච්චිගේ ලකුණු 64ක් ලබා ගනිමින් මහනුවර කණ්ඩායම විශිෂ්ඨ ජයග්රහනයක් කරා රැගෙන ගියා.
ළහිරු උදාර ලකුණු 34ක් ද, පුලින තරංග පන්දු 22කින් ලකුණු 32ක් ද රැස් කිරීමට සමත් වුණා.
පන්දු යැවීමේ දී ළහිරු මදුෂංක කඩුලු 2ක් දවා ගත් අතර, මොහොමඩ් දිල්ෂාඩ් හා සම්මු අශාන් එක් කඩුල්ල බැගින් බිද හෙලුවා.
