ජාතික සුපර් ලීග් එක්දින ක්රිකට් තරගාවලියේ 11 වන තරගය අද(4) මහනුවර පල්ලේකැලේ ක්රීඩාංගනයේ දී ආරම්භ වුණා.
ඒ, යාපනය කණ්ඩායම හා දඹුල්ල කණ්ඩායම අතරයි.
තරගයේ කාසියේ වාසිය දිනූ දඹුල්ල කණ්ඩායම පළමුවෙන් පන්දු යැවීමටයි තීරණය කළේ.
ඒ අනුව තරගය ආරම්භ කරමින් පිටියට පිවිසි ක්රීඩකයින්ට හා විනිසුරුවන්ට නොසිතූ අකරතැබ්බයකට මුහුණ දීමට අද සිදු වුණා.
ඒ, පල්ලේකැලේ ක්රීඩාංගනය මී මැස්සන්ගේ ආක්රමණයකට ගොදුරු වීම හේතුවෙන්.
යාපනය ඉනිමේ දෙවැනි පන්දුවාරයේ දී යි මෙය සිදු වුණේ.
ඒ අනුව තත්ත්වය සමතයකට පත් වන තුරු ක්රීඩකයින් සියලු දෙනාම බිම දිගා වී සිටීමට කටයුතු කළා.
මිනිත්තු කිහිපයකින් අනතුරුව තරගය යළි ආරම්භ කිරීමටයි විනිසුරුවන් කටයුතු කළේ.
— cric fun (@cric12222) February 4, 2022
